ჯარისკაცების "ჩამხუტებელი ქალბატონის" ემოციური ისტორია (ფოტოკოლაჟი)

საზოგადოება - 12:37, 24 Nov, 2015

866

2003 წლიდან მოყოლებული ელიზაბეტ ლეირდი აეროპორტში სისტემატიურად მიდიოდა, რათა ჯარისკაცების მიმართ თავისი პატივისცემა გამოეხატა. სამხედრო სამსახურში მიმავალ ჯარისკაცებს 83 წლის ქალი ჩახუტებით აცილებდა. ელიზაბეტ ლეირდი აეროპორტში იყო მაშინაც, როცა ჯარისკაცები შინ ბრუნდებოდნენ და მათ ისევ ჩახუტებით ხვდებოდა. მას მოსაფერებელი ზედმეტსახელი „ჩამხუტებელი ქალბატონი“ უწოდეს. 12 წლის განმავლობაში ელიზაბეტი ნახევარ მილიონ ჯარისკაცს ჩაეხუტა.

ერთ დღესაც აეროპორტში ჩამოსულ ჯარისკაცებს „ჩამხუტებელი ქალბატონი“ მის ჩვეულ ადგილზე არ დახვდათ... ელიზაბეტი 11 წლის განმავლობაში სიმსივნეს ებრძოდა, იმ დღეებში კი, როდესაც ჯარისკაცები უნდა ჩამოსულიყვნენ მას საავადმყოფოში დაწოლა მოუწია. როდესაც ჯარისკაცებმა ქალბატონი აეროპორტში ვერ ნახეს გადაწყვიტეს მისთვის სიურპრიზი მოეწყოთ და განკუთვნილი ჩახუტების მისაღებად საავადმყოფოში ესტუმრნენ.

„ჩემთვის ძალიან დიდი პატივი იყო მოვფერებოდი ელიზაბეტს იმ დროს, როდესაც ეს მას სჭირდებოდა. მე მის მონახულებას აუცილებლად ვთვლიდი, რათა მეჩვენებინა, რამდენად მნიშვნელოვანია ის ჩვენთვის“- განაცხადა უფროსმა სერჟანტმა ჯავრეზ უილკისმა.

სამი დღის განმავლობაში ჯარისკაცებმა 70 ათასი დოლარიც შეაგროვეს და ელიზაბეტს მკურნალობის ხარჯები დაუფარეს.