ბათუმელი გოგოს სკანდალური შეჭრა რუსულ შოუ-ბიზნესში და ალიევის ყოფილ სიძესთან წითელ ხალიჩაზე

კულტურა - 18:09, 23 Nov, 2015

18024

რუსულ შოუ-ბიზნესში კიდევ ერთი ქართველი ახალბედა მომღერალი გამოჩნდა, რომელმაც პირდაპირ, არც მეტი, არც ნაკლები „ენტევეს“ გადაცემაში „არ დაიჯერებ“ (НЕ ПОВЕРИШЬ ) ამოყო თავი. თემა საკმაოდ დამაინტრიგებელი აღმოჩნდა და მთელი რუსეთი აალაპარაკა. ცნობილი მსახიობი გოშა კუცენკო, რომელიც ერთ-ერთი მაღალ ანაზღაურებადი მსახიობია, ქართველი გოგონათი დაინტერესდა და მის მუსიკალურ კლიპშიც მიიღო მონაწილეობა. კლიპში საკმაოდ ბევრი პიკანტური სცენაა ასახული და მოთხრობილია მათი სასიყვარულო ისტორიის შესახებ. მართალია პრემიერა და კლიპის გრანდიოზული პრეზენტაცია, დეკემბრის თვეში გაიმართება, თუმცა მასზე უკვე ბევრი საუბრობს და მოლოდინის პროცესში არიან. სიმღერა გიგა კვენეტაძეს ეკუთვნის, ხოლო კლიპი ცნობილმა რეჟისორმა, ალექსანდრე სუტკინმა გადაიღო. სუტკინისა და გოშას ერთობლივმა თანამშრომლობამ გამოიწვია მასმედიის დიდი ინტერესი, თუმცა სალიმ იმდენად დააინტერესა ჟურნალისტები, რომ აქცენტი უკვე მასზე გაკეთდა. ასე მოხვდა ქართველი დამწყები მომღერალი ცნობილ რუსულ ტელე-შოუში. როგორც ამბობენ 47 წლის მსახიობი, გოშა კუცენკო ქალთა გულითამპყრობელია და მის მიმართ ყოველთვის დიდია ინტერესი. ის ასევე მღერის. ჩაწერილი აქვს დუეტი ქეთა თოფურიასთან. ამჯერად კი სალისთან გეგმავს ახალი სიმღერის ჩაწერას. გადაცემის ეთერში გასვლის შემდეგ სალისა და გოშას ფლირტზე ხალხი აქტიურად ალაპარაკდა. ქართველი გოგონა უკვე გადაიღო თავის კლიპში რეპერმა, ლიგა ლაიზმაც. ამჟამად სალით, გოშას პროდიუსერი, მილა სალავიოვა დაინტერესდა და საახალწლოდ გასტროლზეც მიჰყავს ბენდთან ერთად. გეგმაში აქვთ, კონცერტი საქართველოშიც ჩაატარონ. რამდენიმე დღის წინ ქართველმა მომღერალმა კიდევ ერთხელ მიიქცია მასმედიის ყურადღება. მიუზიკ ბოქსის დაჯილდოვებაზე, სადაც ის საპატიო სტუმრად იყო მიწვეული, წითელ ხალიჩაზე, ცნობილი მილიონერის ვაჟთან, ილხამ ალიევის ყოფილ სიძესთან, ემინ აგალაროვთან ერთად გამოჩნდა, რომლის ცოლობასაც დღეს ბევრი გოგონა ნატრულობს.

ახლა კი, რაც შეეხება სალის. ის ბათუმელია, არის 25 წლის. რამდენიმე თვის წინ, დედასთან ჩავიდა მოსკოვში დაბადების დღეზე, რომელიც კარაოკე ბარში აღნიშნეს და რამდენიმე ცნობილი მომღერალი ეწრებოდა. სალის სიმღერის შემდეგ, სტუმრებმა მისცეს რჩევა, რომ ის სერიოზულად ამღერებულიყო და შოუ-ბიზნესში თავის დამკვიდრება ეცადა. მის პირად ცხოვრებას რაც შეეხება, ჰყავს 8 წლის შვილი, ხოლო მეუღლეს 2 წლის წინ დაშორდა. ამჯერად თავისუფალია. რაც შეეხება ფინანსურ მხარეს, მას ოჯახი უზრუნველყოფს. დედა, პროდიუსერი ნინო წიკლაურია, რომელიც რამდენიმე წლის წინ გადავიდა მოსკოვში საცხოვრებლად და წარმატებულ ბიზნესმენზე, ალექსანდრე იაცკოვზე იქორწინა. მამინაცვალმა სალი საკუთარ შვილად მიიღო და ყველანაირად გვერდში დაუდგა, რათა მისი კარიერა წარმატებული ყოფილიყო.