"საქართველოში ჩემი სიმაღლის ჯერჯერობით არავინ არის"- ვინ არის ქართველი გოლიათი

საზოგადოება - 15:15, 23 Nov, 2015

33351

საქართველოს კალათბურთის ისტორიაში ყველაზე მაღალ სპორტსმენთან ინტერვიუს „კვირის პალიტრა“ აქვეყნებს. ცენტრალური თავდამსხმელი სერგო ათუაშვილი, რომლის სიმაღლე 2 მეტრი და 23 სანტიმეტრია.

„გორის რაიონის სოფელ მეჯვრისხევში დავიბადე. კალათბურთის თამაში მე-9 კლასიდან დავიწყე და გადმოვედი თბილისში. სკოლის დამთავრებისთანავე ბათუმის "ბასკოში" მიმიწვიეს, მერე ესპანეთის "ვალენსიაში" გადავედი. ვთამაშობდი საფრანგეთის, ლატვიის, ლიტვის, პორტუგალიისა და სხვა მრავალი ქვეყნის გუნდებში. მოკლედ, ევროპული გუნდები მოვიარე და საქართველოს დავუბრუნდი - "სოხუმში" ვთამაშობ. სიმაღლის გამო დისკომფორტი არ მქონია. ერთადერთი - ფრენის დროს მექმნება პრობლემები, ძლივს ვთავსდები თვითმფრინავის სავარძელში. სიმაღლე არც ქალბატონებთან უთიერთობაში მიშლის ხელს. ჩვენთან, ქუჩაში, გაკვირვებული მაყოლებენ თვალს, ევროპაში კი ჩემნაირი ბევრია. განსაკუთრებით მაღლები სერბები არიან, მათ შორის 180 სანტიმეტრი საშუალო სიმაღლედ მიიჩნევა.
სიმაღლის წყალობით, უცხო ადამიანებს ძალიან მოსწონთ ჩემთან ფოტოების გადაღება, მაჩერებენ და სელფს იღებენ. კალათბურთი რომ არა, ფოტომოდელობაზე დავფიქრდებოდი-მეთქი, - ვხუმრობ ხოლმე.“- აღნიშნავს სერგო ათუაშვილი