„ამ მასშტაბის, ისტორიული დრამა, ასეთი ეფექტებითა და ტექნიკით საქართველოში ჯერ არ გადაუღიათ“, - ამბობს მსახიობი გოგა ბარბაქაძე. ის სერიალში ,,ქერჩში” მავნეს როლს თამაშობს, რომელიც კომუნისტურ წყობას ვერ ეგუება. რეჟიმის მიმართ წინააღმდეგობის გამო მავნეს იჭერენ და დახვრეტასაც უპირებენ, თუმცა მასზე ტყვიის დახარჯვა დაენანებათ და ფრონტის წინა ხაზზე ფაშისტებთან საბრძოლველად უშვებენ.”

ეს ერთი-ერთია იმ მრავალ ეპიზოდთაგან, რომელსაც მაყურებელი ახალ ქართულ ორიგინალურ ქართულ დრამა “ქერჩში” ნახავს. სრულმეტრაჟიან ფილმად გაერთიანებული პირველი და მეორე სერიის პრემიერა 26 ნოემბერს, კინოთეატრ „კავეა აიმაქსში“ შედგება. შემდეგი 3 დღის განმავლობაში კი, „ქერჩი-დაკარგული გმირების“ მხოლოდ 1 სეანსი, საქართველოს ყველა კინოთეატრში გაიმართება. მსგავსი ექსპერიმენტი GDS-მა და კინოთეატრებმა „ტიფლისის“ მეორე სეზონის ტელეეთერში გასვლამდე უკვე ჩაატარეს და სწორედ მისი წარმატება გახდა, მიზეზი, რომ იდეის ავტორებს მაყურებლისთვის დიდ ეკრანზე „ქერჩის“ ნახვის შესაძლებლობაც მიეცათ.უპრეცედენტო მასშტაბის ქართული სერიალი სეზონს იწყებს . სატელევიზიო პრემიერა კი 2 დეკემბერს 23:00-ზეა დაგეგმილი.

„ქერჩი” GDS-ის შექმნილია და მისი რეჟისორი ლევან დაბრუნდაშვილი გახლავთ. ფილმში მთავარ როლებს გიორგი ცაავა, გიორგი მახარაძე, ირაკლი კეიდია, ნუგზარ მოლაშვილი და რევაზ ნასიძე ასრულებენ.