ზუგდიდში წყლის გამწმენდი ნაგებობა აშენდება

საზოგადოება - 17:23, 17 Nov, 2015

761

ქალაქ ზუგდიდის მუნიციპალიტეტის მერიაში ,,ქ. ზაუგდიდის ჩამდინარე წყლების 11 056 მ3/დღღ წარმადობის ნაგებობის მშენებლობის და ექსპლუატაციის პროექტის გარემოზე ზემოქმედების ანგარიშის (არატექნიკური რეზიუმე) პრეზენტაცია გაიმართა.
პროექტის ,,აღმასრულებელ ორგანოს“ წარმოადგენს რეგიონალური განვითარებისა და ინფრასტრუქტურის სამინისტრო და მას შპს ,,საქართველოს გაერთიანებული წყალმომარაგების კომპანია“ განახორციელებს. დაგეგმილი საქმიანობის მიზანია ბიოლოგიური გამწმენდი ნაგებობის მშენებლობა, რომლის ოპერირება უზრუნველყოფს ქ. ზუგდიდსა და მის შემოგარენში არსებული დასახლებული პუნქტების საკანალიზაციო წყლების ნორმატიულ დონემდე გაწმენდას. ნაგებობის ექსპლუატაციის პროცესში დაგეგმილია დასახლებული პუნქტების ფარგლებში წარმოქმნილი სამეურნეო და ფეკალური ჩამდინარე წყლების ორგანიზებული შეგროვება და თანამედროვე ტექნოლოგიების გამოყენებით მათ ნორმატიულ დონემდე გაწმენდა. ჩამდინარე წყლების გაუმჯობესებული მართვის შედეგად მოხდება მიმდებარე წყალსატევების დაბინძურების რისკების მინიმუმამდე შემცირება. შეხვედრას ქალაქ ზუგდიდის მერი, ირაკლი გოგოხია და საკრებულოს თავმჯდომარე, მერაბ ქვარაია ადგილობრივი თვითმმართველობის სხვა წარმომადგენლებთან ერთად ესწრებოდნენ. ქალაქის მერის, ირაკლი გოგოხიას განცხადებით, გამწმენდი ნაგებობა თანამედროვე სტანდარტების შესაბამისი იქნება.