"საქართველოს პატრიოტთა ალიანსის" აქტივისტებმა, დღეს პარტიის ოზურგეთის ოფისში შიმშილობის აქცია დაიწყეს.

როგორც ორგანიზაციის ადგილობრივმა ლიდერმა, შოთა გოგიბერიძემ განაცხადა, აქციის მონაწილეები სოლიდარობას უცხადებენ ამავე პარტიის ხელმძღვანელების შიმშილობის აქციას თბილისში და უერთდებიან მათ მოთხოვნებს.

აქციის დაწყებამდე პარტიის აქტივისტებმა მსვლელობა მოაწყვეს ოზურგეთის ცენტრალურ-იოანე პეტრიწის ქუჩაზე და "ჭადრების ბაღში" საინფორმაციო მიტინგი გამართეს.

"მთავარი მოთხოვნაა შეწყვიტოს მთავრობამ სირაქლემას პოზაში ყოფნა და სასწრაფოდ დაიწყოს საარჩევნო კოდექსში შესატან ცვლილებებზე მუშაობა, რასაც მხოლოდ კოალიცია "ქართული ოცნება" ეწინააღმდეგება, მთელი ოპოზიციური სპექტრი კი მხარს უჭერს"- განაცხადა გოგიბერიძემ.