საქართველოში არამდგრადი ამინდი 19 ნოემბრამდე გაგრძელდება. ამინდის პროგნოზის შესახებ ინფორმაციას გარემოს ეროვნული სააგენტო ავრცელებს. მათი ინფორმაციით, 17 ნოემბერს საქართველოს ზოგიერთ რაიონში ძლიერი ქარია მოსალოდნელი.

„16 ნოემბერს საქართველოს ზოგიერთ რაიონში მოსალოდნელია წვიმა, მაღალმთაში თოვლი, ჰაერის ტემპერატურა იქნება +9, +14 გრადუსი.

17 ნოემბერს საქართველოს უმეტეს რაიონში მოსალოდნელია ნალექი, ზოგან ძლიერი, გაძლიერდება დასავლეთის ქარი, მაღალმთაში შესაძლებელია ქარბუქი. ჰაერის ტემპერატურა იქნება +7,+12 გრადუსი.

18-19 ნოემბერს უმეტესად უნალექო ამინდია მოსალოდნელი. ჰაერის ტემპერატურა: დასავლეთ საქართველოში +12,+17 გრადუსი, ხოლო აღმოსავლეთ საქართველოში +7,+12 გრადუსი იქნება“, - ნათქვამია ინფორმაციაში.