,,მუსულმანური რელიგია არაფერ შუაში არ არის. ადამიანი თავის ბოროტ ნებას ავლენს“

,,მუსულმანური რელიგია არაფერ შუაში არ არის. ადამიანი თავის ბოროტ ნებას ავლენს“ - ილია მეორე

საზოგადოება - 15:33, 15 Nov, 2015

2313

პარიზში მომხდარ ტერაქტს გამოეხმაურა საქართველოს კათოლიკოს-პატრიარქი ილის მეორე თავის საკვირაო ქადაგებაში. როგორც უწმინდესმა განაცხადა, მურულმანური რელიგია არაფერ შუაშია - ,,ადამიანი თავის ბოროტ ნებას ავლენს“. ილია მეორემ ასევე ისაუბრა თვითმფრინავის აფეთქების ფაქტზე - ,,იქ მრავალი მსხვერპლია და ვლოცულობთ მათთვის“- ბრძანა უწმნდესმა.

"ჩვენ უფალს შევთხოვთ, რომ ღვთის ძალა და ღვთის მშვიდობა სუფევდეს საქართველოში და მთელს მსოფლიოში. ჩვენ ვცხოვრობთ იმ დროს, როცა სიკეთე და ბოროტება ერთმანეთს ებრძვის. ეს მუდამ იყო, მაგრამ ბოლო წლებში – ბოლო 10 წლეულებში გაძლიერდა. ჩვენი დიდი პოეტი ამბობს: ბოროტსა სძლია კეთილმან, არსება მისი გრძელია". ჩვენ შევთხოვთ უფალს, რომ კეთილმა სძლიოს ბოროტს. ბოროტი ძალიან ხშირად ადამიანის ბოროტი ნებით გამოვლინდება. ბოლო დროს გამოვლინდა – იცით, რომ მოხდა თვითმფრინავის აფეთქება, ასევე ჩვენ ვუთანაგრძნობთ საფრანგეთის მოსახლეობას. იქ მრავალი მსხვერპლია და ვლოცულობთ მათთვის. არიან ადამიანები, რომლებიც ამას მიაწერენ რელიგიას – მუსულმანურ რელიგიას. მაგრამ სინამდვილეში რელიგია არაფერ შუაში არ არის. ადამიანი თავის ბოროტ ნებას ავლენს. იმედი გვაქვს, ეს ყველაფერი დამშვიდდება, დაწყნარდება და ისევ იზეიმებს სიკეთე და სიხარული, როგორც ამბობს შოთა რუსთაველი, რომ სიკეთის არსება გრძელია. ჩვენ შევთხოვთ უფალს, რომ ეს არსად აღარ განმეორდეს", - განაცხადა ილია მეორემ საკვირაო ქადაგებისას.