გერმანიის ფეხბურთელთა ნაკრები სამშობლოში დაბრუნდა. ისინი იძულებული იყვნენ ტერაქტების შემდეგ ღამე "სტად დე ფრანსზე", გასახდელში გაეტარებინათ, რადგან პოლიციამ მათ უსაფრთხოების გარანტიები ვერ მისცა.

სამშობლოში დაბრუნებული ფეხბურთელები და გერმანიის ფეხბურთის ფედერაციის წარმომადგენლები იხსენებენ იმ მძიმე წუთებს, რომელიც მათ გადაიტანეს და მადლობას უცხადებენ ფრანგ ფეხბურთელებს, რომლებმაც თავიანთ მეტოქეს სოლიდარობა გამოუცხადეს და ასევე სტადიონზე იმყოფებოდნენ.

ფეხბურთლების განცხადებით ყველაზე მძიმე იყო ის წუთები, რომელიც მათ სტადიონიდან აეროპორტამდე ავტობუსში გაატარეს.

შეგახსენებთ, რომ საფრანგეთი-გერმანიის საფეხბურთო მატჩის მსვლელობის 72-ე წუთზე სტადიონზე აფეთქების ხმა გაისმა, თუმცა ფეხბურთელებმა მატჩი მაინც ბოლომდე ითამაშეს.