ქართული ელიტის პოეტები წმინდა ილია მართლის (ჭავჭავაძე) გაზეთ „ივერიის“ სახელობის პროზა-პოეზიის პრემია „ივერია“ - პროექტი მსახურებისთვის და არა კონკურსისთვის!

პროექტი 2013 წლის 28 ნომებრიდან დაიწყო და პროექტი ხორციელდება სრულიად საქართველოს კათოლიკოს პატრიარქი, ცხუმ-აფხაზეთისა და ბიჭვინთის მიტროპოლიტი, უწმინდესი და უნეტარესი, ილია მეორის ლოცვა კურთხევით.

პროექტის შინაარსი მრავალმნიშვნელოვანი და საჭიროა დღევანდელობისთვის - ქართული პროზა-პოეზიის, ხატწერის, ხატვის და ფოტოხელოვნების შემოქმედების პოპულარიზაცია. პროექტში ყოველთვე მონაწილეობს ერთი განსაკუთრებული შესაძლებლობების ადამიანი ანუ ე.წ. შეზღუდული შესაძლებლობების მქონე პირი, ერთი მსჯავრდებული, ასევე ერთი სასულეირო პირი და სხვა ოთხი პოეტი.

აღნიშნული პროექტი ითვალისწინებს (შშმპ) განსაკუთრებული შესაძლებლობების ადამიანების და მსჯავრდებულების რესოციალიზაცია-ადაპტაციას, საზოგადოებისთვის მათ გაცნობას და ცხოვრების შემდგომ მოტივაციას სახელმწიფოს სასარგებლოდ, მათი სოციალური პრობლემების მოგვარებას სხვა ცნობილი პოეტებისა და მწერლების, ხელოვანების და საზოგადო მოღვაწეთა დახმარებით და ურთიერთჩართულობით.

ასევე, პროექტში პოეტურ საღამოს ალამაზებს ხატმწერების, მხატვრების, ფოტოხელოვნების შემოქმედება..

უნდა აღინიშნოს, რომ სულ, ერთი წლის მანძილზე მონაწილე იქნება 12 ხატმწერი, 12 მხატვარი, 12 ფოტოხელოვანი და 84 პოეტი-მწერალი.

„დღემდე პროექტმა ათასობით ადამიანი გააერთიანა, რომელიც იმართებოდა: თბილისი, ხობი, საჩხერე, ყვარელი, საგურამო, წიწამური, თუშეთი, საგარეჯო, კაჭრეთი, გორი. ამ მსვლელობების დროს მონაწილეებისთვის ეწყობა ექსკურსიები და შემეცნებით ღონისძიებები მასპინძელი კუთხეების მიხედვით. ამჟერად ქალაქ მცხეთის მუნიციპალიტეტის მერიამ გამოიჩინა ინიციატივა- მერი ავთანდილ ნემსიწვერიძე და კულტურის, სპორტისა და სოციალურ საკითხთა სამსახურის უფროსი ირაკლი შიოლაშვილი და მროეპქტის მერვე ტური გაიმართება მცხეთაში, სადა ასევე ადგილობრივებიც ჩართულობაც განისაზღვრება. პროექტის ერთ-ერთი მნიშვნელოვანი ნაწილია - ყოველი მონაწილე რგავს ერთ ხეს - ბზის ნერგს, რომელიც ასევე უწმინდესის ლოცვა-კურთხევაა _ „დარგე ხე“ და ამ ადგილებს ვარქმევთ ილია მართლის (ჭავჭავაძის) სახელობის ბაღებს“, - ამბობს პროექტის ორგანიზატორი.

პროექტის ფარგლებში 2015 წლის დეკემბრის ბოლოს, გამოვლინდებიან `წმინდა ილია მართლის (ჭავჭავაძის) გაზეთ „ივერიის“ სახელობის პროზა-პოეზიის პრემია - „ივერიის“ პრემიის ახალი ლაურეატები, რომელისთვისაც გაიმართება გალა-ღონისძიება, სადაც მოწვეული იქნება წელიწადის მონაწილეები და სხვა დამსწრე საზოგადოება, ხელისუფლება.