სტიქიას ებრძოდნენ მთელი ღამის განმავლობაში გურიაშიც. ძლიერი წვიმის გამო ჩოხატაურში რამდენიმე ოჯახს წყალი საცხოვრებელ სახლში შეუვარდა. ნალექის გამო დაზიანებულია ქუჩები. კოხნარი-საჭამიასერის საავტომობილო გზაზე რამდენიმე საათის საავტომობილო მოძრაობა შეფერხებული იყო.

ძლიერი ქარი იყო ოზურგეთში. ქარმა ხეები მოგლიჯა, რის გამო ბათუმისკენ მიმავალი გზა გადაიკეტა. ხეებმა დააზაიანა გაზის მილებიც.

ანალოგიური ვითარება იყო ლანჩხუთშიც. ადიდებულმა მდინარე სუფსამ სოფელი აკეთი დააზარალა. მოსახლეობას წყალი სახლებში შეუვარდა. დაზიანებულია საკარმიდამო ნაკვეთები.

გურიის რამდენიმე სოფელს მთელი ღამის განმავლობაში ელექტროენერგია არ მიეწოდებოდათ. ადგილზე მთელი ღამის განმავლობაში სამაშველო ჯგუფები მუშაობდნენ.