„შეიცვალოს საარჩევნო გარემო“, „გადადგნენ თავდაცვისა და გარემოს დაცვის მინისტრები“ და „პასუხი მოეთხოვოთ საარჩევნო კომისიების წევრებს“ - ამ მოთხოვნებით ,,პატრიოტთა ალიანსი"-ს გორის ორგანიზაციის წევრებმა საპროტესტო აქცია გამართეს.

მათ თეატრის ბაღში კარავი დადგეს, სადაც პარტიის ორი წევრი იქამდე იშიმშილებს სანამ მათი მოთხოვნები არ შესრულდება.

,,პატრიოტთა ალიანსი"-ს წარმომადგენლები საგარეჯოში ჩატარებული შუალედური არჩევნების შედეგებს აპროტესტებენ, სადაც ირმა ინაშვილის მეტოქე „ქართული ოცნების“ კანდიდატი თამარ ხიდაშელი იყო.

პარტიის წევრები ამბობენ, რომ არჩევნები გაყალბდა და სამართლიანობის აღდგენას დაუყოვნებლივ ითხოვენ წინააღმდეგ შემთხვევაში თეატრის ბაღში კარვების ქალაქის გაშენებას გეგმავენ .