„საქართველოს ბანკი“ შინაგან საქმეთა სამინისტროს დიდი ოდენობით თანხის გატაცების საქმის გახსნის გამო მადლობას უხდის.

აღნიშნულთა დაკავშირებით „საქართველოს ბანკის“ მიერ გავრცელებულ განცხადებაშია ნათქვამი.

„პირველივე დღიდან მჭიდროდ ვთანამშრომლობთ შინაგან საქმეთა სამინისტროსთან, ფაქტობრივად ყოველდღიურ რეჟიმში და სამართალდამცავების ოპერატიულობისა და თავდაუზოგავი შრომის შედეგად, ეს საქმე ცხელ კვალზე გაიხსნა. ამ საქმის გახსნა, ბუნებრივია, ძალიან მნიშვნელოვანი იყო ჩვენთვის. იმედს გამოვთქვამთ, რომ მესამე დამნაშავეც დაკავებული და სათანადოდ დასჯილი იქნება. კიდევ ერთხელ გვსურს მადლობა მოვახსენოთ შინაგან საქმეთა სამინისტროს“, - ნათქვამია განცხადებაში.