ჟურნალისტი ინგა გრიგოლია ტელეკომპანია „პირველის“ გენერალურ პროდიუსერად დაინიშნა. ინფორმაცია „ნიუპოსტს“ თავად გრიგოლიამ დაუდასტურა.

მისივე ინფორმაციით, იანვრიდან ტელეკომპანიის ეთერში მისი საავტორო გადაცემაც დაიწყება. ინგას დღეს „პირველში“ პირველი სამუშაო დღე ჰქონდა. როგორც ამბობს, არხის გენერალური პროდიუსერობა ძალიან საინტერესოა. რაც შეეხება საავტორო გადაცემას, ჟურნალისტის თქმით, ის პოლიტიკური იქნება, თუმცა ფორმატზე და სხვა დამატებით დეტალებზე გრიგოლია არ საუბრობს.

შეგახსენებთ, ინგა გრიგოლიამ ტელეკომპანია "იმედი" რამდენიმე თვის წინ დატოვა.