"რუსთავი-2"-ის შენობასთან სტუდენტებმა საპროტესტო აქცია გამართეს. ისინი ტელეკომპანიის გარშემო მიმდინარე მოვლენებს აპროტესტებენ. სტუდენტების თქმით, ქვეყანაში დამოუკიდებელი მედია და სიტყვის თავისუფლება არ უნდა შეიზღუდოს.

როგორც ადგილზე შეკრებილები ამბობენ, სოლიდარობას უცხადებენ „რუსთავი 2“-ის თანამშრომლებს. სტუდენტებმა ტელეკომპანიასთან მიიტანეს პლაკატები, წარწერით: „ერთად ყველაფერს შევძლებთ“, „მომავალი ჩვენია“, „სოლიდარობა „რუსთავი 2“-ს და ასე შემდეგ.

ტელეკომპანიასთან ამ დრომდე რჩებიან „ნაციონალური მოძრაობის“ და „თავისუფალი ზონის“ წევრები. მათ ადგილზე კარვები აქვთ გაშლილი.