"რუსთავი 2 მარტო არ არის" - ამ ლოზუნგით ბათუმში საკონსტიტუციო სასამართლოსთან საპროტესო აქცია მიმდინარეობს. ადგილზე „რუსთავი 2“-ის მხარდამჭერები არიან შეკრებილი. ისინი მთავრობას აკრიტიკებენ და ამბობენ, რომ მოსამართლე ურთმელიძემ უკანონო გადაწყვეტილება მიიღო.

როგორც აქციის მონაწილეები ამბობენ, თუ საჭირო გახდება თბილისში ჩამოვლენ და იქ დაიცავენ „რუსთავი 2“-ს.

ტელეკომპანიის მხარდამჭერ აქციაში მონაწილეობას რიგითი ბათუმელები, არასამთავრობო ორგანიზაციების წარმომადგენლები და ერთიანი ნაციონალური მოძრაობის წევრები ესწრებოდნენ.