ტელეკომპანია „რუსთავი 2“-ს სოლიდარობას უცხადებენ საზოგადოებისთვის ცნობილი სახეები. როგორც ნინო სუხიშვილმა განაცხადა, თუ ქვეყანაში არ იქნება დამოუკიდებელი ტელეკომპანია, ეს ქვეყნის მომავლისთვის საფრთხის მომტანი იქნება.

„თუ ქვეყანაში არ იქნება დამოუკიდებელი მართმსაჯულება, თავისუფალი და დამოუკიდებელი მედია და ალტერნატიული აზრი, ეს ძალიან დიდ საფრთხეს მოუტანს მომავალში ქვეყანას. ეს საფრთხეს მოუტანს ასევე ჩვენი ქვეყნის იმიჯს მსოფლიოში. თავს ვთვლი პატრიოტად და მინდა ჩემი ქვეყანა განვითარდეს, იყოს დემოკრატიული და სამართლიანი სახელმწიფო, ქვეყანაში არსებობდეს სამართლიანი მთავრობა და რასაკვირველია უნდა იყოს სამართლიანი სასამართლო და მე მოვიშველიებ კიდევ ერთხელ მარტინ ლუთერ კინგის გამოთქმას - არ იქნება მართლმსაჯულება, არ იქნება მშვიდობა" განაცხადა ნინო სუხიშვილმა, რომელიც ტელეკომპანია "რუსთავი 2"-თან იმყოფება.