ხელისუფლება პენსიების გაზრდისთვის დამატებით რესურსზე მუშაობს

ხელისუფლება პენსიების გაზრდისთვის დამატებით რესურსზე მუშაობს - ,,ოცნება“ ,,ენმ“-ს პასუხობს

ბიზნესი & ეკონომიკა - 16:58, 05 Nov, 2015

2436

2016 წლის ბიუჯეტში ცვლილებების შეტანისა და პენსიის ზრდის შესაძლებლობების გამოყემებასთან დაკავშირებით ნაციონალური მოძრაობის მოთხოვნას მმართველი გუნდი გამოეხმაურა. „ქართული ოცნების“ წევრები ენმ-ს პოპულისტური განცხადებების გაკეთებაში ადანაშაულებენ და აცხადებენ, რომ ამ მიმართულებით მუშაობა ისედაც მიმდინარეობს. უმრავლესობის წევრების თქმით დამატებითი რესურსების გამონახვის შემთვევაში, თანხა პირველ რიგში პენსიის გაზრდას მოხმარდება.

"სამუშაო ჯგუფი, რომელშიც რამდენიმე კომიტეტის თავმჯდომარე და ფინანსთა მინისტრია ამ მიმართულებით მუშაობს. თუ სადმე შეიძლება, რომელიმე უწყების ბიუჯეტი კიდევ შეიკვეცოს, თუ გამოინახება დამატებითი რესურსი ჩვენ პირველ რიგში პენსიების გაზრდის მიმართულებით მივმართავთ,"- განაცხადა საფინანსო-საბიუჯეტო კომიტეტის ხელმძღვანელმა თამაზ მეჭიაურმა.

საქართველოს პარლამენტის ჯანდაცვის კომიტეტის თავმჯდომარის თქმით ენმ საზოგადოების გაღიზიანებას და შეცდომაში შეყვანას ცდილობს:

"ეს არის მცდელობა, რომ საზოგადოება შეიყვანონ შეცდომაში. პირველი მცდელობა იყო, რომ პენსია არ გაიზრდებაო, ახლა მეორე მცდელობა თუ გაიზრდება პენსიები მეტით შეიძლებაო. მათ სურთ საზოგადოება გააღიზიანონ,"- განაცხადა დიმიტრი ხუნდაძემ