Mister international 2015-ის გამარჯვებული 23 წლის ბაჩი ბერაძე გახდა, რომელიც სამოდელო სააგენტო „ირაკლიონის“ მოდელია. კონკურსში თავდაპირველად 300 კონკურსანტი იღებდა მონაწილეობას, ხოლო ფინალური ტურისთვის 18 ბიჭი შეირჩა. კონკურსის გამარჯვებული საქართველოს წარადგენს ფილიპინებში, სილამაზის კონკურსზე mister international 2015. ბაჩი ფილიპინებზე 17 ნოემბერს მიემგზავრება. როგორც შევიტყვეთ ეს კონკურსი უკვე 18 წელია ტარდება და მონაწილეობას 50 ქვეყნის წარმომადგენელი იღებს. აღსანიშნავია ისიც, რომ აქამდე ამ კონკურსში ჩვენი ქვეყნიდან არც ერთ მამაკაცს არ მიუღია მონაწილეობა და წელს პირველად 51-ე ქვეყნად წარსდგება საქართველოს წარმომადგენელი.