პარლამენტის საფინანსო-საბიუჯეტო კომიტეტის თავმჯდომარე საქართველოს ეროვნული ბანკის მიერ რეფინანსირების განაკვეთის დღევანდელ სიტუაციაში გაზრდას ადეკვატურს უწოდებს. თამაზ მეჭიაური ამბობს, რომ რეფინანსირების განაკვეთის ზრდა უფრო ადრე უნდა მომხდარიყო.

„უფრო ადრე უნდა გაეკეთებინათ და აქამდეც აღარ ყოფილიყო საჭიროება. ჩემი აზრით, ცოტა დაგვიანებით დაიწყო ამის მატება. დღევანდელ სიტუაციაში ადეკვატური ნაბიჯია,“-განაცხადა თამაზ მეჭიაურმა.

ცნობისთვის, საქართველოს ეროვნულმა ბანკმა რეფინანსირების განაკვეთი 50 საბაზისო პუნქტით 7.5 %-მდე გაზარდა. შესაბამისად, რეფინანსირების განაკვეთის ზრდა სესხის პროცენტს გაუძვირებს როგორც იურიდულ, ისე ფიზიკურ პირს, საუბარია 8500-ზე მეტ ადამიანზე.