საშემოდგომო სეზონზე დედაქალაქსა და მის შემოგარენში გამწვანებითი სამუშაოები და ხეების რგვა აქტიურ რეჟიმში მიმდინარეობს. თბილისის მერის დავით ნარმანიას განცხადებით, რაიონულ გამგეობებს თბილისის მერიისაგან 35 000-მდე ფოთლოვანი და წიწვოვანი სახეობის ნერგი მიეწოდება და მოსახლეობის თხოვნის გათვალისწინებით, შერჩეულ ტერიტორიებზე დაირგვება.

„დედაქალაქის მერია გამწვანების მიმართულებით მუშაობას განსაკუთრებულ რეჟიმში იწყებს, რათა საშემოდგომო რგვის პერიოდში, მაქსიმალურად, ეფექტურად იქნეს გამოყენებული თითოეული დღე“, -განაცხადა დავით ნარმანიამ.

გამგეობებს მოგვიანებთ, კიდევ 6 000 -მდე ნერგიგადაეცემა, რომელზეც, ამჟამად, ტენდერია გამოცხადებული. დედაქალაქის მერის თქმით, ჯამში, აღნიშნული პერიოდის განმავლობაში 313 000 ხე დაირგვება.