ბათუმის დედათა და ბავშვთა ცენტრში ცერებრალური დამბლის მქონე 9 წლის ბავშვი გარდაიცვალა. შემთხვევა გუშინ მოხდა. გარდაცვლილის ოჯახის წევრები მომხდარში ექიმებს ადააშაულებენ და ამბობენ, რომ სამედიცინო პერსონალმა პაციენტს სათანადო ყურადღება არ მიაქცია.

ბავშვის დედის, ინგა სანიკიძის თქმით, შვილი საავადმყოფოში 30 ოქტომბერს მაღალი სიცხით და ღებინებით მიიყვანა, რა დროსაც მას ექიმებმა გადასხმა გაუკეთეს. როგორც სანიკიძე ამბობს, ამის შემდეგ ბავშვს სიცხემ დაუკლო, თუმცა ექიმებმა მას სათანადო ყურადღება არ მიაქციეს და გამოკვლევები არ ჩაუტარეს, რის შემდეგაც მოზარდის მდგომარეობა გაუარესდა.

გარდაცვლილის ოჯახის ბრალდებებს უარყოფენ ბათუმის დედათა და ბავშვთა ცენტრში და განმარტავენ, რომ 30 ოქტომბერს მშობლებმა ბავშვის აავადმყოფოდან ხელწერილის საფუძველზე წაიყვანეს. მათი განმარტებით, საავადმყოფოში მეორედ მოყვანის შემდგ ბავშვის მდგომარეობა კრიტიკული იყო და მისი გადარჩენა ვერ მოხერხდა.