ტელეკომპანია "რუსთავი 2" - ის თანამშრომელი, ჟურნალისტი ნოდარ მელაძე დღეს უკრაინულ საიტზე გავრცელებულ აუდიო ჩანაწერს სოციალურ ქსელში გამოეხმაურა.

"ჩვენ, ჟურნალისტები, ვუყვებით საზოგადოებას სად გადახტა კატა და მერე უკვე ისინი მსჯელობენ დანარჩენზე....

* იდარდოს იმან ვინც იალაპარაკა

* შერცხვეს იმას ვინც ეთერში გაუშვა

* მე ჩემს საქმეს გავაგრძელებ...

p.s ესეც გაივლის...." - წერს ჟურნალისტი.

შეგახსენებთ, რომ დღეს უკრაინულ საიტზე გამოჩნდა ფარული ჩანაწერები, რომელშიც ასახული იყო მიხეილ სააკაშვილისა და ნიკა გვარამიას, ასევე მიხეილ სააკაშვილისა და სოფო ნიჟარაძის საუბრები. გვარამია - სააკაშვილის საუბრის ძირითადი შინაარსი რუსთავი ორის შენობის დაცვის მეთოდები იყო. სააკაშვილი-ნიჟარაძის საუბარი კი საქართველოში მოსალოდნელ მოვლენებს შეეხებოდა, რა დროსაც ნიჟარაძემ ნოდარ მელაძის მიმართ შეურაცხმყოფელი სიტყვები გამოიყენა.

აღსანიშნავია, რომ მომღერალმა სოფო ნიჟარაძემ ამ ჩანაწერს "ფსბ-ს დამონტაჟებულ სიყალბეზე" უწოდა.