ტელეკომპანია ''იმედი'' ნიკა გვარამიას პასუხობს

საზოგადოება - 17:58, 02 Nov, 2015

12014

ტელეკომპანია „იმედი“ ნიკა გვარამიას ბრალდებას პასუხობს. „რუსთავი 2“-ის გენერალური დირექტორის განცხადებას, რომ „იმედმა“ და საზოგადოებრივმა მაუწყებელმა, რესპოდენტების ჩაწერა, უკრაინულ ვებგვერდზე ჩანაწერების ატვირთვამდე დაიწყეს, „იმედი“ არ ეთანხმება.
ტელეკომპანიის პოზიცია პირდაპირ ეთერში „ქრონიკის“ წამყვანმა თორნიკე კვერენჩხილაძემ გამოხატა.
მისი განმარტებით, უკრაინულ ვებგვერდზე, ნიკა გვარამიასა და სოფო ნიჟარაძის მიხეილ სააკაშვილთან გამართული სატელეფონო საუბრების აუდიოჩანაწერები, გადაცემის დაწყებამდე („ქრონიკა“ 14 საათზე) 15 წუთით ადრე აიტვირთა. ჟურნალისტის განცხადებით, ვებგვერდ „უკრაინულ რევოლიციაზე“ რამდენიმე დღით ადრე სააკაშვილი-ბოკერია-გვარამიას აუდიოჩანაწერიც აიტვირთა და ვინაიდან ამ ჩანაწერების ავთენტურობა, საუბრებში მონაწილე პირებმაც დაადასტურეს, ტელეკომპანიის განმარტებით, აღნიშნული ვებგვერდისადმი ინტერესი ბუნებრივია.

„რუსთავი 2“-ის გენერალური დირექტორის განცხადების პასუხად განვმარტავთ, რომ აბსურდია ბრალდება, რომ თითქოს კომენტარების ჩაწერა დავიწყეთ საჯარო სივრცეში მასალის გამოქვეყნებამდე. ახალი აუდიოფაილების ატვირთვის შესახებ გავიგეთ გამოშვების დაწყებამდე დაახლოებით 15 წუთით ადრე, რაც საკმარისი დროა ჩანაწერის საეთეროდ მოსამზადებლად. ვებგვერდი უკრაინული რევოლუცია, კი სწორედ ის ვებგვერდია, სადაც 3 დღის წინ გიგა ბოკერიასა და ნიკა გვარამიასთან მიხეილ სააკაშვილის საუბრის ჩანაწერებიც გამოქვეყნდა და ამ ჩანაწერების ავთენტურობა თავად ფიგურანტებმაც დაადასტურეს. შესაბამისად, არ უნდა იყოს გასაკვირი ამ ინტერნეტპორტალის მიმართ ინტერესი“, - განაცხადა პირდაპირ ეთერში ქრონიკის წამყვანმა