ქუთაისში მე-12 კლასის მოსწავლე მოკლეს

კრიმინალი - 18:11, 01 Nov, 2015

19074

მკვლელობა მოხდა დღეს ქუჩაისში. 30 წლის მამაკაცმა მე-12 კლასის მოსწავლე დანით მოკლა. როგორც ,,ნიუპოსტს“ შს სამინისტროს პრესცენტრში განუცხადეს, მკვლელობაში ბრალდებული დაკავებულია და საქმეზე გამოძიება 108-ზე - განზედახ მკველობის მუხლით მიმდინარეობს.

უწყებამ მომხდართან დაკავშირებით უკვე გაავრცელა ოფიციალური ინფორმაცია, რომლის თანახმადაც ,,შინაგან საქმეთა სამინისტროს იმერეთის რაჭა-ლეჩხუმოსა და ქვემო სვანეთის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-საგამოძიებო მოქმედებების შედეგად, განზრახ მკვლელობის ბრალდებით 1988 წელს დაბადებული შავლეგ გ. დააკავეს.

გამოძიებამ დაადგინა, რომ ბრალდებულმა ქუთაისში, ავტომშენებლის ქუჩაზე მდებარე ერთ-ერთ სასურსათო მაღაზიაში ურთიერთშელაპარაკებისას ცივი იარაღით გულ-მკერდის არეში სასიკვდილო ჭრილობა მიაყენა 1997 წელს დაბადებულ გიორგი გ-ს, რის შედეგადაც დაჭრილი ახალგაზრდა შემთხვევის ადგილზე გარდაიცვალა. სამართალდამცველებმა ბრალდებული მომხდარიდან რამდენიმე წუთში დააკავეს. დაკავებული აღიარებს ჩადენილ დანაშაულს.

გამოძიება განზრახ მკვლელობის ფაქტზე მიმდინარეობს ( საქართველოს სსკ-ს 108-ე მუხლით)" - ნათქვამია უწყების განცხადებაში.