საერთაშორისო მისიებსა და აგვისტოს ომში დაშავებულმა ქართველმა სამხედროებმა აშშ-ში გამართულ საზღვაო ქვეითთა მე-40 მარათონში წარმატებით იასპარეზეს. უფროსმა სერჟანტმა პაატა ჯიბუტმა, კაპრალმა ბესიკ გოგობერიშვილმა, კაპრალმა ლევან კვანჭიანმა, კაპრალმა ტრისტან ჩიტიძემ, უფროსმა სერჟანტმა ლაშა ხურციძემ შეჯიბრში მონაწილეობა ამერიკელ, ბრიტანელ, ავსტრიელ, კანადელ, დანიელ და ლიტველ სამხედრო მოსამსახურეებთან ერთად მიიღეს.

მარათონი სხვადასხვა საერთაშორისო კონფლიქტის დროს დაჭრილი და დაშავებული სამხედრო მოსამსახურეებისა და მათი ოჯახების მხარდაჭერას ისახავს მიზნად.

მარათონის ფარგლებში დაშავებული ქართველი სამხედროების რეაბილიტაციისა და რეინტეგრაციისთვის ამერიკულმა არასამთავრობო ორგანიზაციამ „აზალეა ჩარითიმ“ 10 000 აშშ დოლარის ოდენობით ფინანსური დახმარება გამოყო.