გორის მუნიციპალიტეტის სოფელ ბნავისში ადგილობრივებს მსხვილფეხა პირუტყვი ეხოცებათ. ამის შესახებ ,,ნიუპოსტს" ადგილობრივებმა აცნობეს.

არსებული ინფორმაციით, ჯერ-ჯერობით დაუდგენელ ვირუსს ათამდე ძროხა ემსხვერპლა. ბნავისელებში შიშობენ, რომ დაავადება ადამიანზეც გადავა, ისინი ხელისუფლებას დროულ რეაგირებას სთხოვენ.

როგორც ,,ნიუპოსტს" გორის მუნიციპალიტეტის გამგეობაში განუცხადეს ბნავისში არსებული მდგომარეობის შესახებ, შესაბამის სამსახურებს უკვე აცნობეს.

სურსათის ეროვნული სააგენტოს ცნობით, უწყების რეგიონალური სამსახური შემთხვევის ადგილზე ვითარების შესასწავლად უკვე გასულია და შესაბამის ზომებს მიიღებს.