მასწავლებელთა პროფესიული განვითარების ეროვნულმა ცენტრმა ტრენინგი “ორიენტაცია და მობილობა” დაიწყო

საზოგადოება - 15:59, 28 Oct, 2015

1566

მასწავლებელთა პროფესიული განვითარების ეროვნულმა ცენტრმა ტრენინგი „მობილობა და სივრცეში ორიენტაცია უსინათლო და მცირემხედველი პირებისთვის“ დაიწყო. მოცემულ ეტაპზე მიმდინარეობს ტრენინგის პილოტირება და მასში 6 ადამიანიმონაწილეობს.

მასწავლებელთა პროფესიული განვითარების ეროვნული ცენტრი 2015 წლიდან ჩართულია საქართველოს განათლების და მეცნიერების და ნორვეგიის განათლების კვლევების სამინისტროს ერთობლივ პროექტში „ინკლუზიური განათლების დანერგვა პროფესიული განათლების და გადამზადების სისტემაში“. სწორედ აღნიშნული პროექტის ფარგლებში მომზადდა ტრენინგ მოდული - „მობილობა და სივრცეში ორიენტაცია უსინათლო და მცირემხედველი პირებისთვის“.

მოდული განკუთვნილია მასწავლებლებისთვის, მშობლებისთვის და მათთვის, ვინც მუშაობს მხედველობის დარღვევის მქონე პირებთან და ასწავლის მათ უსინათლო პირებისთვის სივრცეში დამოუკიდებლად ორიენტირების და გადაადგილების ტექნიკებს.

პილოტირების შემდეგ მოდული დამტკიცდება და 2016 წლიდან ნებისმიერ მასწავლებელს ან დაინტერესებულ პირს, ვინც მხედველობის დარღვევის მქონე ბავშვს ასწავლისსაშუალება ექნება გაიაროს აღნიშნულიმოდული.

2016 წლიდან ასევე დაგეგმილია მოდულის მეორე და მესამე დონის შემუშავება, რაც საშუალებას მისცემს სპეციალისტებს კიდევ უფრო გაიღრმავონ ცოდნა ამ მიმართულებით და დახვეწონ სწავლების ტექნიკები.