,,მემუქრებოდნენ თითქოს გაუპატიურების კადრები ქონოდათ გადაღებული“

,,მემუქრებოდნენ თითქოს გაუპატიურების კადრები ქონოდათ გადაღებული“ - პატიმრის ჩვენებიდან

საზოგადოება - 11:54, 27 Oct, 2015

3291

გრიფით საიდუმლო სისხლის სამართლის საქმე # 074250812801-ში ე.წ. ციხის კადრებში ამოცნობილი და იდენტიფიცირებული პატიმრების ჩვენებები დევს. აღნიშნულ ჩვენებებს გაზეთი „ქრონიკა+“ აქვეყნებს. როგორც ჩვენებებიდან ირკვევა წამების გარკვეული სცენები სპეციალურად კადრების შესაქმენელად იდგმებოდა. მთავარი სცენარისტ-ოპერატორი კი ლადო ბედუკაძე იყო, რომლის მეშვეობითაც 2012 წელს ციხის კადრები მედიის საშუალებით გავრცელდა.

პატიმარი თ.ე

„ ...ერთ-ერთი პიროვნება, რომელიც მე მესაუბრებოდა, მთხოვდა შემეგინებინა ქურდებისთვის, რაზეც მე უარი განვაცხადე. მოიმარჯვა პატარა ზომის ვიდეოკამერა და დაიწყო გადაღება. დანარჩენმა ორმა დამიწყო ცემა, მირტყამდნენ როგორც ხელებს, ასევე რეზინის ხელკეტებს დაახლოებით 5-10 წუთის განმავლობაში. შემდგომ შემაგდეს ე.წ ბოქსში, სადაც შუქი ჩამქრალი იყო, მომთხოვეს გამეხადა ტრუსი, რაზეც უარი განვაცხადე, რის შემდგომაც ძალის გამოყენებით გამხადეს... ერთ-ერთ პიროვნებას ხელში ეკავა რეზინის შავი ფერის ხელკეტი, მომადო უკანალთან და დამემუქრა, რომ გაუპატიურებას მიპირებდა... მომაჭირა უკანალთან ისე, რომ უკანალში არ მოუთავსებიათ. ამის შემდგომ დამანებეს თავი, მაგრამ გადაღებას კვლავ განაგრძობდა და მეუბნებოდა, რომ მოგტ*ანიო. მე გავაანალიზე რა შექმნილი ვითარება, კამერის წინაშე დავუდასტურე, რომ „დუბინკა“ შემირჭეს... ამ ყველაფრის შემდგომ კი მითხრეს, რომ გაფუჭებული ვიყავი და დავმორჩილებოდი რეჟიმს, წინააღმდეგ შემთხვევაში ჩემი ცემის და თითქოსდა გაუპატიურების კადრები გადაღებული ქონდათ ვიდეოკამერით და „გამიბაზრებდნენ“, ასევე მემუქრებოდნენ ქათმებში ჩასმით და გაფუჭებით"...