სხვადასხვა უმაღლესი სასწავლებლის სტუდენტები სიტყვის თავისუფლების დაცვის შესახებ პეტიციაზე ხელმოწერების შეგროვებას იწყებენ.

მათი თქმით, თავს ვალდებულად თვლიან გამოხატონ მკაფიო პოზიცია მედიასივრცეში ბოლო პერიოდში განვითარებულ მოვლენებთან დაკავშირებით.

სტუდენტები ხელისუფლებას მოუწოდებენ, არ შეზღუდონ მედიის თავისუფლება.

„მიგვაჩნია, რომ საფრთხეშია სიტყვის თავისუფლება „რუსთავი 2“-ის გარშემო მიმდინარე მოვლენებიდან გამომდინარე. მიგვაჩნია, რომ სტუდენტების აქტივობა ამ თვალსაზრისით უმნიშვნელოვანესი იქნება. ჩვენ მხარს ვუჭერთ სიტყვით თავისუფლებას“, -აცხადებენ სტუდენტები "კურიერთან" საუბრისას.