როგორ იდგმებოდა ე.წ. ციხის კადრები: ,,ისე რომ საცვალი არ ჩაუწევიათ, ცოცხი ფეხებს შორის შემარჭვეს“

როგორ იდგმებოდა ე.წ. ციხის კადრები: ,,ისე რომ საცვალი არ ჩაუწევიათ, ცოცხი ფეხებს შორის შემარჭვეს“ - პატიმრის ჩვენებიდან

საზოგადოება - 00:13, 26 Oct, 2015

19142

2012 წელს მედისაშუალებებში სკანდალური ციხის კადრები გავრცელდა, რამაც წინასაარჩევნოდ პოლიტიკური წონასწორობა სრულიად შეცვალა. საზოგადოების ნაწილში არსებობდა მოსაზრება, რომ კადრები დადგმული იყო, ხოლო ადამიანის ცოცხით გაუპატიურება კი, მედიცინაში ჩახედული ადამიანების აზრით, ფაქტობრივად შეუძლებელი.

"2012 წელს მედიასაშუალებებმა წამებისა და სექსუალური ძალადობის კადრების მხოლოდ ნაწილი აჩვენეს. ეს ეკა კვესიტაძის გადაცემა ,,განსხვავებული აქცენტების“ მიერ მოპოვებული დაკითხვის ოქმიდან ჩანს, სადაც ირმა ინაშვილი გამომძებლის კითხვაზე-"რატომ არ გაუშვეს სრული ვიდეომასალა" პასუხობს:

"ჩვენ ამოვკრიბეთ ის მასალები, სადაც წამებას და სადიზმს ჰქონდა ადგილი დანარჩენი მასალა, სადაც არის დიალოგები და სხვა კადრები, ჩავთვალეთ, რომ არ იყო საინტერესო,"- განაცხადა ირმა ინაშვილმა დაკითხვაზე.

რეალურად კი კადრები, რომელიც ეთერში მაშინ არ მოხვდა ლადო ბედუკაძის მხრიდან პატიმრებზე ზეწოლასა და სექსუალური ძალადობის განხორციელებას ასახავს.

გაზეთ ,,ქრინიკა+“-ის მთავარი რედაქოტრი, ჟურნალისტი ელისო კილაძე წერს, რომ ე.წ ციხის კადრების ნაწილი დადგმული იყო, რის გამოც ამ საქმეს გრიფი საიდუმლო დაედო.

როგორ იდგმებოდა ცოცხების კადრები: "მოიტანეს ოთახის ჩალის ცოცხი, ისე რომ საცვალი არ ჩაუწევიათ, ცოცხი ფეხებს შორის შემარჭვეს, შემდეგ ბედუკაძე მიყვიროდა - ქურდი ხარო?!" - პატიმარ გ. ყ.-შვილის ჩვენებიდან. აი,რატომ ადევს ამ საქმეს გრიფი საიდუმლო", - წერს ელისო კილაძე "ფეისბუქში".