,,არ მინდა ჩვენი შვილები დოქსოპულოების საქართველოში იზრდებოდნენ“

,,არ მინდა ჩვენი შვილები დოქსოპულოების საქართველოში იზრდებოდნენ“ - მაია ასათიანი კოლეგებს მიმართავს

საზოგადოება - 23:42, 21 Oct, 2015

3737

თოქ-შოუ პროფილის წამყვანმა მაია ასათიანმა ,,არჩევანის“ სტუდიიდან კოლეგებს და საზოგადოებას მიმართა და რუსთავი 2-ის დაცვისკენ მოუწოდა.

მაია ასათაინმა იმედის დარბევის დროს რუსთავი 2-ის ჟურნალისტების თანადგომა გაიხსენა.

"მე არ მინდა, რომ ჩვენი შვილები დოქსოპულოების საქართველოში იზრდებოდნენ. ეს ყველაფერი ხომ გავიარეთ. პირადი ცხოვრების ამსახელი კადრებით შანტაჟი ხომ გავიარეთ, ეს ეთერში არ გავიდეს თორემ... ეს ხომ უკვე იყო. ამომრჩეველი ხომ არ ოცნებობდა ამაზე. რატომ მივედით ისევ იმ წერტილამდე. აქ ბევრი ითქვა. მე მინდა მივმართო კოლეგებს, რომლებიც არ გვეთანხმებიან გვაკრიტიკებენ, არ მოვწონვართ, რომლებსაც ჰგონიათ, რომ ვიღაცა ვინმეს რამეს ამადლის. მე მგონია, რომ ჩვენ შეიძლება ვიყოთ სხვადასხვა ბანაკებში, თუმცა მგონია, რომ ბანაკი ერთია და მას საქართველო ჰქვია. ჩვენს პროფესიაში, რომელიც ჩვენი ცხოვრებაა, დგება მომენტი, რომ შენ საქმესთან მართალი უნდა დარჩე. გვესროლეთ ტალახი, მაგრამ ხვალ შეიძლება ჩვენი ხმა ჩვენს მაყურებელს ვერ გავაგონოთ.

2007 წელს საავადმყოფოში იმიტომ არ მოვხვდი, რომ ზალიკომ პირდაპირ ეთერში გაგვიყვანა. ხვალ ჩვენ თქვენი თანადგომა დაგვჭირდება. იმედელებს მე, მაია ასათიანი ყოფილ იმედელებს მოგმართავთ. ძველებო დარჩით პროფესიაში და ჩვენი ხმა ხვალ გააგონეთ მაყურებელს, რადგან ჩვენ შეიძლება ეს ხმა ჩვენ მაყურებლებს ვეღარ გავაგონოთ,"- განაცხადა მაია ასათიანმა.