,,რუსთავი 2-ის ჟურნალისტები ტოვებდნენ არხს თუ იმედის დარბევა არ გავიდოდა ეთერში“

,,რუსთავი 2-ის ჟურნალისტები ტოვებდნენ არხს თუ იმედის დარბევა არ გავიდოდა ეთერში“ - ინგა გროგოლია

საზოგადოება - 23:10, 21 Oct, 2015

10656

ნიკა გვარამიას დღევანდელ განცხადებას და რუსთავი 2-ის გარშემო მიმდინარე პროცესებს გამოეხმაურა ჟურნალისტი ინგა გრიგოლია. ჟურნალისტმა ,,არჩევანის“ სტუდიაში დეტალურად გაიხსენა, თუ როგორ და რა ფორმით გამოხატეს პროტესტი მაშინ რუსთავი 2-ის ჟურნალისტებმა 2007 წლის 7 ნოემბერს ტვ იმედში მიმდინარე მოვლენები.

"ან ვკითხულობდი, ან მესმოდა სად იყო რუსთავი 2 როცა 2007 წელს იმედში როდესაც ჟურნალისტებს ძირს ყრიდნენ... მე მინდა ჩვენს მაყურებელს მოვუყვე ერთი ასეთი ისტორია, რუსთავი 2-ის მთელი კოლექტივი მიდიოდა რუსთავი 2-იდან... მათ შორის დიანა, ზალიკო გიორგი ლაფერაშვილი, ნინო შუბლაძე... მთელი შემადგენლობა. მათ 7 ნოემბერს გამოთქვეს პროტესტი. იყო მცდელობა, რომ არ გაშუქებულიყო რა ხდებოდა იმ მომენტში ტვ იმედში და მთელი ეს შემადგელობა, ეს ადამიანები შევიდნენ მაშინდელ ხელმძღვანელობასთან, რომ ან კოლექტიურად დატოვებდნენ არხს, ან ეს ყველაფერს ეთერში გავიდოდა. ამიტომ მინდა ყველამ იცოდეთ, რომ ეს ადამიანები, ჩემი საყვარელი კოლეგები იყვნენ იქ, სადაც უნდა ყოფილიყვნენ, მათ უარი თქვეს მუშაობაზე თუ არ გავიდოდა ეს ყველაფერი ეთერში. ეს უნდა მეთქვა აუცილებლად. მე ამიტომ მოვედი, რომ მე უნდა მელაპარაკა ამაზე, მე ემერჯენსშიც მოვხვდი და ხელოვნური სუნთქვის აპარატზე ვიყავი მიერთებული. იმ დროს, როდესაც იმედში სპეცრაზმი შედიოდა, ეს ადამიანები, რუსთავი 2-ის თანამშრომლები, ამბობდნენ რომ პროტესტის ნიშნად საერთოდ წავიდოდნენ, თუ ამას მაყურებელი არ იხილავდა ეთერში,"- აცხადებს ინგა გრიგოლია.

ინგა გრიგოლიამ ჟურნალისტებს შორის მიმდინარე დაპირისპირებაზეც ისაუბრა.

"კიდევ ერთი რამ ხდება ჩვენს გარშემო. სოციალურ ქსელში ვაწყდები, რომ დაიწყო ჟურნალისტების დაპირისპირებას. ჩემიანები და იმათიანები არ არსებობს, არსებობენ ჟურნალისტები. მხოლოდ ბევრი წლის წინ მაქვს ნანახი ტელევიზიის კიბესთან მიმდინარე პროცესები. ჟურნალისტებს შორის დაპირისპირება ძალიან ცუდია. ეს კითხვები არ გაჩნდებოდა რომ წინ ამბები არ ყოფილიყო. იმედში 2 პოლიტიკური თოქ-შოუ, საზოგადოებრივ მაუწყებელზე ერთი დაიხურა, შემდეგ რუსთავი 2-ის ამბები ეს ძალიან ცუდია,"- აცხადებს გრიგოლია.

ტელეწამყვანმა ნიკა გვარამიას განცხადებაზეც ისაუბრა და აღნიშნა, რომ პირადი ცხოვრების ამსახველი ჩანაწერებით შანტაჟი შემაშფოთებელია. ,,პირადი ცხოვრებით მუქარა ძალიან ცუდია. არ დაიღალეთ იმით, რომ ყოველ რეგიონში ერთსა და იმავე დროში მივარდნები ხდება... რთული იყო იმ კადრების ნახვა, მაგრამ ის, რომ აჩვენებ ამას იქ სადაც არასრულწლოვნებიც არიან, რად უნდა ქვეყანას ასეთი მერი, რომელიც ვერ აკონტროლებს. ქვეყანა დიდი დაპირისპირების საფრთხის წინაშეა... ისევ გაისმის შეძახილები, მიუვარდეთ ჩავქოლოთ... ქვეყანას თავისუფალი სიტყვა სჭირდება. მე მინდა თავისუფალი სიტყვა, წარმოუდგენელია სახლებში მივარდნები და ასეთი ტიპის აქციები. ჩვენ ვიცით რომ ეს საშინელებები ხდებოდა, მაგრამ ხომ გვინდა, რომ ჩვენი ქვეყანა განვითარდეს. ყველა მიმართულებით არის სიტუაცია დაძაბული. რუსთავი 2 როგორც ნაცმოძრაობის აპრტიულ ტელევიზიად კი არ უნდა განიხილონ, რუსთავი 2 არის წამყვანი მედია საშუალება და ძალიან ბევრი ადამიანისთვის ეს იქნება დიდი დარტმა, როცა ნახავ იმას, რომ 6 საათიანი კურიერი იწყება ცარიელი სკამებით, მძიმე იქნება, თუ ერთ მშვენიერ დღეს დადგება ეს განაჩენი. დაამთავრეთ პირადი ცხოვრების ამსახველი კადრებით შანტაჟი, ამის არავის არ ეშინია.“ - განაცხადა ინგა გრიგოლიამ.