ვლადიმერ პაპავა გადადგომას არ აპირებს - რექტორის პირველი კომენტარი სტუდენტების პროტესტზე

საზოგადოება - 16:39, 21 Oct, 2015

798

თბილისის სახელმწიფო უნივერსიტეტის რექტორი ვლადიმერ პაპავა მისი გადადგომის მოთხოვნას გამოეხმაურა. პაპავა გადადგომას არ აპირებს.
რაც შეეხება უნივერსიტეტის საქმიანობით საგამოძიებო უწყებების დაინტერესებას რექტორი ამბობს:
"თუ ვინმე დაინტერესებულია უნივერსიტეტის მუშაობით, შეუძლია მობრძანდეს და ნახოს, ჩვენ მზად ვართ, ღია ვართ და გამჭვირვალეები" - აცხადებს პაპავა.
თსუ-ს რექტორმა შედარებით ვრცლად ისაუბრა სტუდენტების პროტესტზე და აღნიშნა, რომ სტუდენტებთან კომუნიკაციისთვის მზად არის.
"აქციის მონაწილეებთან შეხვედრა მქონდა, წავიკითხე 10 პუნქტი, რომელიც მათ წამოაყენეს არანაირ გაუგებრობა არ არსებობს. მოთხოვნებში ჩვენ ვართ სრულად თანამოაზრეები. მიმაჩნია, რომ ეს პროცესები არის ჯანმრთელი, როცა სტუდენტები რაღაცას ითხოვენ და ჩვენ გვაქვს სრული მზაობა, რომ საკითხები განვიხილოთ"- თქვა მან.

ვლადიმერ პაპავა ამბობს, რომ არ უნდა ზოგიერთი სტუდენტი აღმოჩნდეს ვინმეს პოლიტიკური ინტერესების იარაღი.
თბილისის სახელმწიფო უნივერსიტეტის რექტორი უნივერსიტეტში არსებულ პრობლემებს აღიარებს, თუმცა იქვე დასძენს, რომ მათი მოგვარება ფინანსებთანაა დაკავშირებული.
პაპავამ დამოუკიდებელი ფონდის შექმნის შესახებაც ისაუბრა, რომლის შქმნასაც სტუდენტები ითხოვენ.
"ერთ-ერთი მოთხოვნაა ფონდის შექმნა საუნივერსიტეტო განვითარებისთვის, სადაც თანამშრომლები შეიტანენ წვლილს. მე პირადად ასეთი წვლილი განადგურებული ჰიდრომეტეოროლოგიური სადგურის შექმნაში შემაქვს და არა მარტო მე, უნივერსიტეტის რამდენიმე პროფესორს. თუ ასეთი ფონდი შეიქმნება მხოლოდ მივესალმები" - განაცხადა ლადო პაპავამ.