"არც კი მინდა წარმოვიდგინო იმ ადამიანების რაოდენობა, ვინც შეიძლება R2-ის დასაცავად გამოვიდეს"

საზოგადოება - 11:18, 21 Oct, 2015

2211

ტელეკომპანია "რუსთავი2"-ის საინფორმაციო სამსახურის უფროსი, გიორგი ლაფერაშვილი, გადაცემა "არჩევანში", ტელეკომპანიის გარშემო მიმდინარე პროცესებს გამოეხმაურა.
ლაფერაშვილის განცხადებით, ტელეკომპანიის წინააღმდეგ ხელისუფლება იბრძვის.
"რუსთავი2"-ის საინფორმაციო სამსახურის უფროსი ამბობს, რომ 19 ოქტომბერს საქალაქო სასამართლოსთან ტელეკომპანიის მაყურებელთა სრული რაოდენობა არ იყო.
"ნათლად და ცალსახად გამოჩნდა, რომ ეს არ არის ქიბარ ხალვაშის დავა ამჟამინდელი მფლობელების წინააღმდეგ. ეს არის სისტემა, რომელიც ებრძვის იმ ადამიანებს, ვინც მუშაობს რუსთავი 2-ში. სახელმწიფო გადაწყვეტილებით დაყადაღდა რუსთავი 2 და საფრთხე შეექმნა ჩვენს ფუნქციონირებას" - თქვა გიორგი ლაფერაშვილმა.
რუსთავი2-ის საინფორმაციო სამსახურის უფროსი დარწმუნებულია, რომ მაყურებელი რუსთავი 2 - ს დაიცავს.

"არც კი მინდა წარმოვიდგინო იმ ადამიანების რაოდენობა, ვინც შეიძლება, გამოვიდეს რუსთავი 2-ის დასაცავად. მე არ მინდა, ამ პროცესების მონაწილე ვიყო. მაგრამ მე ამ მონაწილე და ავანგარდში მდგომიც კი გამხადეს უგუნური გადაწყვეტილებების გამო,“ - განაცხადა გიორგი ლაფერაშვილმა.