საერთაშორისო სტუდენტური კონკურსი „მომავალი თბილისი დღეს 2015“- ის ფარგლებში ვორქშოპი გაიმართა

საზოგადოება - 13:12, 19 Oct, 2015

1238

თბილისის განვითარების ფონდმა საერთაშორისო კონკურსის „მომავალი თბილისი დღეს 2015“-ის ფარგლებში ქართველი და უცხოელი ექსპერტების მონაწილეობით სტუდენტებისთვის, ვორქშოპი ჩაატარა. თბილისის სამხატვრო აკადემიაში გამართულ სემინარზე კონკურსში მონაწილე სტუდენტებმა მიმართულებების დაზუსტების მიზნით, საკუთარი პოექტები და იდეები წარმოადგინეს, სადაც სპეციალისტებისგან პროფესიული რჩევები მიიღეს.

კონკურსის „მომავალი თბილისი დღეს 2015“-ის ერთ-ერთმა ორგანიზატორმა „Peter Moennig Foundation“- ის ხელმძღვანელმა პიტერ მონიგმა, რომელიც თბილისს სულ ახლახან თანაშემწესთანმარკუს ბართან ერთად ესტუმრა, სტუდენტებს საკუთარი გამოცდილება გაუზიარა და არქიტექტურის მიმართულებით საჯარო სივრცის განვითარების თემაზე სტუდენტებისთვის პრეზენტაცია ჩაატარა.

სემინარში ასევე მონაწილეობდნენ: „ACG Firm „ - ის დირექტორი ნაბილ აბი ჩაკრა, „DVASTUDIO“- ს დირექტორი დავით ნაკაშიძე, თბილისის განვითარების ფონდის წარმომადგენლები, თბილისის მუნიციპალიტეტის მერიის არქიტექტურის სამსახურის წარმომადგენელი ლევან ძაგნიძე, თბილისის სახელმწიფო სამხატვრო აკადემიის ლექტორი დავით ჩიხლაძე, საქართველოს არქიტექტორთა კავშირის ხელმძღვანელი დავით აბულაძე, თბილისის სამხატვრო აკადემიისა და საქართელოს ტექნიკური უნივერსიტეტის წარმომადგენლები.