რამდენიმე წუთის წინ, ოზურგეთში აღმაშენებლის ქუჩაზე ავტოსაგზაო შემთხვევა მოხდა. როგორც "ნიუპოსტის" რეგიონალური კორესპოდენტი იუწყება ავარიას მსხვერპლი მოჰყვა. გარდაცვლილია 30 წლის ქალბატონი.

თვითმხილველთა განცხადებით, მ. თენიეშვილი საკუთარი საცხოვრებელი სახლის წინ იდგა, როდესაც მსუბუქი ავტომანქანა დაეჯახა.

ქალბატონი სასწრაფო დახმარების ბრიგადამ ოზურგეთის სამედიცინო ცენტრში გადაიყვანა, თუმცა ის, საავადმყოფოში მიყვანისთანავე გარდაიცვალა.

მძღოლი, რომელიც "გოლფის" მარკის მსუბუქი ავტომანქანით გოგონას დაეჯახა, მომხდარს შემდეგ ადგილიდან მიიმალა, მოგვიანებით კი პოლიციას თავისი ნებით ჩაბარდა. ამ წუთებში ის გურიის სამხარეო მთავარ სამმართველოშია გადაყვანილი.