რატომ გაასხვისა მილიონიანი ქონება ბესიკ ხარძნიანის მეუღლემ

რატომ გაასხვისა მილიონიანი ქონება ბესიკ ხარძნიანის მეუღლემ - მიხეილ ხარძიანი დეტალებზე საუბრობს

საზოგადოება - 10:35, 13 Oct, 2015

3266

გარდაცვლილი ბიზნესმენის ბესიკ ხარძიანის შვილი მიხეილ ხარძიანი უარყოფს ეკა ნონიკაშვილის ბრალდებას, რომ იგი გია უდესიანის მითითებით მოქმედებს.

როგორც ხარძიანმა „ნიუპოსტთან“ საუბარში განაცხადა, ნოტარიუსმა მას პირადად უთხრა, რომ ბიზნესმენის გარდაცვალებიდან რამდენიმე კვირაში ნონიკაშვილმა თანაცხოვრების დროს შეძენილი ქონების ნახევარი მოითხოვა.

„მივმართავ ქალბატონ ეკა ნონიკაშვილს, საზოგადოებას გასცეს კონკრეტული პასუხი: პირველი, რაც შეეხება მის ნათქვამს, რომ თურმე მე რაღაცეებს უდესიანი მკარნახობს, მაინტერესებს რა მიკარნახა უდესიანმა, წადი ეკას უთხარი, სასწრაფოდ ფიქტიურად გაასხვისოს 2 კვირაში კუთვნილი ქონება მის ახლო მეგობარზეო? თუ რა იგულისხმა კარნახში და ცნობისთვის, რომ იცოდეს მე ჩემი გონება და ჭკუა გამაჩნია და არავის ნაკარნახევზე არ ვრეაგირებ. მეორე, თუ ქალბატონი ეკა დასტირის სიყვარულს და თავი მწუხარე ქვრივად მიაჩნია, ნორმალური და ჭკუათმყოფელი ადამიანი, რომელმაც მიწა მიაბარა თავისი საყვარელი ადამიანი, როგორიც იყო ბესო, რატომ გადააფორმა ფიქტიურად 2 კვირაში მილიონების ქონება და რატომ არ გაასხვისა ეს ქონება მისი მეუღლის გარდაცვალებამდე 2 კვირით ადრე? და მესამე, მან მოითხოვა ნოტარიუსისგან თანაცხოვრების დროს შეძენილი ქონების 50%, რაც ირიცხებოდა ბესოს სახელზე და თუ ბესოზე გაფორმებული ქონების 50% ეკუთვნის ქალბატონ ეკას, ეკაზე გაფორმებული ქონება რატომ არ ეკუთვნის ბესოს? გასცეს პასუხი საზოგადოებას რატომ გაასხვისა მილიონიანი სახლი 5 ათას ლარად? მიპასუხოს ამ სამ კითხვაზე ნონიკაშვილმა, რომელიც მთელი ცხოვრება ბესოს ქონებით არის დაინტერესებული“, - ამბობს მიხეილ ხარძიანი.