ინფრასტრუქტურის მინისტრის ნოდარ ჯავახიშვილის ინფორმაციით, ვერეს ხეობაში მშენებლობები აღარ გაგრძელდება. მისი თქმით, ადგილზე რეკრეაციული ზონის გაკეთება იგეგმება.

„ვერეს ხეობაში უკანონო მშენებლობები იყო განხორციელებული. სახელმწიფოს განსხვავებული მიდგომა უნდა ჰქონოდა მანამდეც და ეხლაც. სტიქიის მერე ადგილზე არაფერი არ უნდა აშენდეს. მიუხედავად იმისა, თუ როგორ მოვაწყობთ დამცავ ნაგებობებს, საშიშროება მაინც რჩება. ამიტომ მდინარის კალაპოტში რომ მშენებლობა არ შეიძლება ერთმნიშვნელოვანია. და დარწმუნებული იყავით, რომ ასეც მოხდება. ხეობაში მშენებლობები აღარ იქნება. იქ რეკრეაციული ზონა გაკეთდება“, - განაცხადა ნოდარ ჯავახიშვილმა.