სერიალ „ჩემი ცოლის დაქალებში“ კატო კირვალიძის როლზე ნინო გაჩეჩილაძე დაბრუნდა. როგორც ირკვევა როლზე უარი თავად ლელა მებურიშვილმა თქვა. რა მოხდა „ფორმულა კრეატივში“ და რა მიზეზით მიატოვა სერიალის მთავარი როლი, ლელა „პრაიმთაიმთან“ ინტერვიუში საუბრობს.

- როცა სერიაშლი მონაწილეობას დავთანხმდი, მაშინვე გვქონდა მოლაპარაკება, რომ შემეძლო პარალალურად ნებისმიერ პროექტში, ნებისმიერ არხში წავსულიყავი.... სერიალის არაერთი მსახიობი სხვა არხზე მუშაობს, სხვადასხვა სერიალში.

- მაშინ რა მოხდა, რატომ დააბრუნეს ნინო გაჩეჩილაძე?

- მოხდა ისეთი რაღაც, რაზეც საუბარი არცე რთ მხარეს არ გვინდა. დიდი ხანია ამ ჯგუფთან ვთანამშრომლობ. „საპონი“ იყო პირველი სერიალი, რომლის დროსაც დავიწყე თანამშრომლობა და დიდი ხნის მეგობრობა მაკავშირებს მათთან. ასე, რომ ამ ფაქტზე ასე საჯაროდ ლაპარაკი არასწორია.

- იყო კონფლიქტი, გაუგებრობა?

- არანაირი სკანდალი და გაუგებრობა არ ყოფილა. ალბათ, უფრო გაუგებრობა. ასეთი რაღაცეები ხდება ხოლმე. უბრალოდ ისე განვითარდა მოვლენები, გადავწყვიტე, რომ ამ ეტაპზე ასე ჯობდა.

- შენ გადაწყვიტე?

- ჰო, ვინმე სხვანაირად ამბობს? რომ მათ გადაწყვიტეს? სიამოვნებით ვიქნებოდი ამ სერიალში და გავაგრძელებდი მუშაობას ამ ჯგუფთან, მაგრამ ისე აეწყო ფაქტები ერთმანეთს, იმდენი რამ დაემთხვა ერთმანეთს, ყველანაირი კონფლიქტის, კამათის და უთანხმოების გარეშე მივიღე გადაწყვეტილება.

- კულუარებში საუბრობენ, რომ „რუსთავი 2“-თან ურთიერთობის გაწყვეტა შენმა ახალმა ოჯახმა გაიძულა, რომელიც ყველამ ვიცით, რომ ქართული ოცნების მხარდამჭერია...

- დიდი ხანია რაც ამ ტელევიზიასთან ვთანამსრომლობ და არასოდეს მითქვამს ცუდი ამ არხზე. მათ ბევრი რამ მასწავლეს. თურქეთში ვიყავი და ვაპირებდი გამეგრძელებინა „ჩემი ცოლის დაქალებ“-თან თანამშრომლობა. „რუსთავი 2“-დანაც ველოდებოდი შემოთავაზებას ამ ერთი წლის განმავლობაში, მაგრამ... ძალიან დამწყდა გული.

წყარო: გაზეთი "პრაიმტაიმი"