ხმაური 169-ე ბაგა-ბაღში - მშობლები და მასწავლებლები დირექტორის გათაისუფლებას აპროტესტებენ

საზოგადოება - 11:09, 12 Oct, 2015

3400

169-ე ბაგა-ბაღის მასწავლებლები და მშობლები დირექტორის გათავისუფლებას აპროტესტებენ. ამის გამო ცოტა ხნის წინ ბაღში ხმაური იყო.

როგორც 169-ე ბაგა-ბაღის აღსაზრდელთა მშობლები ამბობენ, ფიქრია ჩახნაშვილი საკუთარ მოვალეობას კარგად ასრულებს და იგი ბაღების სააგენტოს მართვის ხელმძღვანელმა უმიზოზდ გაათავისუფლა.

თავად ჩახნაშვილი თემურ თორდინავა სპეცსამსახურების დავალების შესრულებაში ადანაშაულებს.

„დამიბარეს და მითხრეს, რომ თანამშრომლები უნდა გამთავისუფლებინა, რაც მე მიზანშეწონილად არ მივიჩნიე და უარი განვაცხადე ამაზე. სამაგიეროდ მათ მიიჩნიეს მიზანშეწონილად ჩემი გათავისუფლება. არ ვაპირებ გაჩერებას და ამის შემდეგ სამართლებრივად ვიმოქმედებ. მოვუწოდებ, ბაგა-ბაღების მართვის სააგენტოს დირექტორს, დაანებოს თავის სპეცსამსახურების დავალებების შესრულებას“, - ამბობს ჩახნაშვილი.

ბრალდებებს თემურ თორდინავა უარყობს. თუმცა „კურიერთან“ საუბარში ადასტურებს, რომ ჩახნაშვილი თანამდებობიდან გაათავისუფლა. ამის მიზეზად თორდინავა ბაღში აღმოჩენილ დარღვევებს ასახელებ.

"არცერთი ადამიანის გათავისუფლება არ ხდება ისე, თუ მას კონკრეტული მიმართულებით კონკრეტული დარღვევა არ აქვს,“-განაცხადა თემურ თორდინავამ.