11 ოქტომბერს, ლაიფციგში საქართველოს ეროვნული საფეხბურთო ნაკრები ევროპის ჩემპიონატის შესარჩევ ტურნირში ბოლო თამაშს მსოფლიოს ჩემპიონებთან გამართავს.

საქართველოს ნაკრების მწვრთნელის კახი ცხადაძის განცხადებით, გერმანიის ნაკრებს დიდი უპირატესობა აქვს, თუმცა, ქართველი ფეხბურთელები ყველაფერს გააკეთებენ, რომ აღნიშნული ტურნირი კარგი თამაშით დაასრულონ.

საქართველოს ნაკრებმა D ჯგუფში 9 მატჩში 9 ქულა (3 მოგება, 6 წაგება) მოიპოვა და ბოლოსწინა, მეხუთე ადგილზე იმყოფება.

გერმანიასთან სათამაშოდ შემდეგი ფეხბურთელები არიან გამოძახებულები:

მეკარეები: გიორგი ლორია ("კრილია სოვეტოვი", რუსეთი), ნუკრი რევიშვილი ("მორდოვია", რუსეთი), გიორგი მაკარიძე ("ფეირენსე", პორტუგალია).

მცველები: გიორგი ნავალოვსკი ("დილა", გორი, საქართველო), გიორგი ფოფხაძე ("ფლამურტარი", ალბანეთი), ალექსანდრე ამისულაშვილი ("კარშიაკა", თურქეთი), ზურა ხიზანიშვილი, ("ინტერი", ბაქო, აზერბაიჯანი), გურამ კაშია ("ვიტესი", ჰოლანდია), სოლომონ კვერკველია ("რუბინი", რუსეთი), უჩა ლობჟანიძე ("ომონია", კვიპროსი), ოთარ კაკაბაძე ("დინამო თბილისი", საქართველო), გია გრიგალავა ( "პაფოსი", კვიპროსი).

ნახევარმცველები: ჯაბა კანკავა ("რეიმსი", საფრანგეთი), სანდრო კობახიძე ("ვოლინი", უკრაინა), თორნიკე ოქრიაშვილი ("გენკი", ბელგია), ნიკა კვეკვესკირი ("ინტერი", ბაქო, აზერბაიჯანი) გიორგი მერებაშვილი ("ვერია", საბერძნეთი), ვალერი ყაზაიშვილი ("ვიტესი", ჰოლანდია), ნიკა ძალამიძე ("რიზესპორი", თურქეთი), გუგა ფალავანდიშვილი ("დილა", გორი, საქართველო).

თავდამსხმელები: მათე ვაწაძე ("ორჰუსი", დანია), ბაჩანა ცხადაძე ("ფლამურტარი", ალბანეთი), ნიკოლოზ გელაშვილი ("პაფოსი", კვიპროსი).