"საზმაუ -ში მხოლოდ 5 კაცი ლაპარაკობს ერთმანეთში" - მიშველაძის პირველი კომენტარი გადაცემის დახურვაზე

საზოგადოება - 12:12, 10 Oct, 2015

3586

ჟურნალისტი ეკა მიშველაძე მისი გადაცემის დახურვასთან დაკავშირებით "საზოგადოებრივი მაუწყებლის" საინფორმაციო სამსახურის უფროსის, გიორგი გვიმრაძის განცხადებას "ნიუპოსტთან" აფასებს.

ჟურნალისტი ამბობს, რომ ის რომ გადაცემა "პირველი სტუდია" ახალი სეზონიდან ეთერში არ გავა ერთ-ერთი ტელევიზიის ეთერიდან გაიგო.
"გუშინ გიორგი გვიმრაძემ სხვა ტელეკომპანიის ეთერში განაცხადა, რომ ჩემი გადაცემა ეთერში აღარ გავა. ძალიან უცნაურია, რატომ გავიგე ეს გადაწყვეტილება ტელევიზიით?" - აღნიშნა "ნიუპოსტთან" საუბრისას ეკა მიშველაძემ.
მისი თქმით, ის "საზოგადოებრივ მაუწყებელში" ყოველ დღე დადის, თუმცა დირექციას გადაცემის დახურვის შესახებ მასთან არც კი უასუბრია.
"საზოგადოებრივი მაუწყებლის საინფორმაციო სამსახურის უფროსს გიორგი გვიმრაძეს ნიუსრუმში შხვხვდი, მივულოცე ახალი თანამდებობა, გარკვეულ საკითხებზე აზრი მკითხა, დაინტერესდა ჩემთან დაკავშირებით რა ხდებოდა, თურმე ყველაფერი სცოდნია და არაფერი მითხრა, სხვა არხის ეთერით გამიკეთეს სიურპრიზი" - განაცხადა მიშველაძემ.
ჟურნალისტისთვის უცნობია დარჩება თუ არა არხზე.
"საზოგადოებრივ მაუწყებელზე არ არსებობს კომუნიკაცია. ეტყობა მხოლოდ 5 კაცი ლაპარაკობს ერთმანეთში, ვინ არიან ეს ადამიანები ეგეც არ ვიცი" - განუმარტა ეკა მიშველაძემ "ნიუპოსტს".
გუშინ, გიორგი გვიმრაძემ "მაესტროს" ეთერში განაცხადა, რომ "პირველი სტუდია" ეთერში აღარ დაბრუნდება.