დაცვის თანამშრომელმა მეხუთეკლასელის გაუპატიურება სცადა?!

დაცვის თანამშრომელმა მეხუთეკლასელის გაუპატიურება სცადა?! - დეტალები ქუთაისიდან

საზოგადოება - 16:50, 08 Oct, 2015

15610

ქუთაისის N-7 - ე საჯარო სკოლის დაცვის კერძო სამსახურის თანამშრომელს ერთ-ერთი მოსწავლის მშობელი სასტიკად გაუსწირდა.

ახალგაზრდა მამაკაცი, კერძო დაცცვის თანამშრომელს მისი 11 წლის ქალიშვილის გაუპატიურების მცდელობაში ადანაშაულებდა.

დაცვის თანამშრომელი მრავლობითი დაჟეჟილობებით საავადმყოფოში იმყოფება.

გავრცელებული ინფორმაციით, მე -5 კლასელ გოგონას კერძო დაცვის თანამშრომელმა ინტიმური კავშირი საღამოს საათებში შესთავაზა, როცა მოზარდი ცეკვის წრიდან სახლში ბრუნდებოდა.

„ნიუპოსტი“ დეტალების გარკვევას ქუთაისის N-7 - ე საჯარო სკოლის დირექტორთან, ენდი ნემსვერიძესთან შეეცადა.

დირექტორის თქმით, სექსუალური კავშირის შეთავაზებას ადგილი არ ჰქონია, გოგონა კი ჩვეულ რეჟიმში აგრძელებს სწავლას.

„არანაირად არ შემიძლია დავადასტურო, რომ ეს ასე მოხდა, რადგან არანაირი ინფორმაცია არ მაქვს. მსგავი რამ არ მომხდარა, ფაქტი არ მინახავს, ფაქტს არ შევსწრებივარ“ - განუცხადა „ნიუპოსტს“ სკოლის დირექტორმა.

ენდი ნემსვერიძე ადასტურებს იმ ფაქტს, რომ ქუთაისის საგანმანათლებლო რესურსცენტრის ხელმძვანელი ესაუბრა და გავრცელებული ინფორმაციის გარკვევას შეეცადა.

სკოლის დირექტორმა ჩვენთან საუბრისას არც დაცვის თანამშრომლის ცემის ფაქტი დაადასტურა.

„მე იმ დაცვის თანამშრომელს არც კი ვიცნობ. ის არ არის ჩემი თანამშრომელი. მე ორგანიზაციასთან მაქვს გაფორმებული ხელშეკრულება, რომელიც ემსახურება სკოლას. ცემის ფაქტის დადასტურება არ შემიძლია. კერძო დაცვის თანამშრომელი როცა ერთ დღეს მუშაობს ოთხს ისვენებს. შესაბამისად არ ვიცი არის თუ არა ეს ახალგაზრდა საავადმყოფოში“ - აღნიშნა სკოლის დირექტორმა.

„ნიუპსტის“ კითხვაზე, რატომ არ დაინტერესდა სკოლის ადმინისტრაცია მოსწავლის მიმართ გარყვნილი ქმედების შეთავაზების ნამდვილობით, ენდი ნემსვერიძემ გვითხრა, რომ ის დირექტორია და არა გამომძიებელი.

„აბსურდით რანაირად დავინტერესდე? ხელმოსაჭიდი არაფერი მაქვს, ამ პრეტენზიით მშობელი არ მოსულა, არც ბავშვს უთქვამს ჩემთვის რამე, არავინ არაფერს ამბობს ჟურნალისტების გარდა, გამოძიება ჩავატარო? სკოლაში სიმშვიდეა, სასწავლო პროცესი შეუფერხებლად მიმდინარეობს... მე არ ვარ გამომძიებელი“ - აღნიშნა სკოლის დირექტორმა.

„ნიუპოსტი“ შს სამინისტროს პრესსამსახურის თანამშრომელს დაუკავშირდა, რომლის თქმით, ბავშვის გაუპატიურების მცდელობის, სექსუალირი კავშირის შეთავაზების შესახხებ პოლიციაში ინფორმაცია არ შემოსულა.

შს სამინისტროს თანამშრომლის ინფორმაციით, პოლიციაში შეტყობინება მოქალაქის ცემის ფაქტზე შევიდა.

„ადგილზე მისულ პოლიციას დახვდა მამაკაცი, რომელსაც სხეულზე დაზიანება აღენიშნებოდა, შესაბამისად გამოძიება ცემის ფაქტზე - 125-ე მუხლით დაიწყო. საქმეში ბავშვი საერთოდ არ ფიგურირებს“ - აღნიშნავენ შს სამინისტროში.

დავით ჯაბაშვილი