წუხელ გვიან ღამით მოსულმა ძლიერმა წვიმამ მნიშვნელოვნად დააზიანა ნატანები-შრომის დამაკავშირებელი საავტომობილო გზა.

20 კილომეტრიან მონაკვეთზე მეწყერი ჩამოწვა, რის გამოც ადგილზე საავტომობილო მოძრაობა შეზღუდულია.

ელექტროგადამცემი ხაზების დაზიანების გამო სოფელში 300-მდე აბონენტი ელექტროენერგიის გარეშეა დარჩენილი.

როგორც "გურიის მოამბესთან" გამგებლის წარმომადგენელი ილია თავაძე ამბობს, ადგილზე დროულად მოხდა სამაშველო სამსახურის ბრიგადების გამოძახება და გზის გაწმენდითი სამუშაოებიც მალე დაიწყება.

რაც შეეხება ელექტროენერგიას, თავაძის თქით, ის უკვე ესაუბრა "ენერგო პრო ჯორჯიას" წამომადგენლებს და დაახლოებით 17:00 საათისთვის მოსახლეობას ელექტროენერგიის მიწოდება აღუდგება.