გასული კვირის ეკონომიკის ანალიტიკური მიმოხილვა

ბიზნესი & ეკონომიკა - 10:47, 12 Mar, 2013

543

იენას ესეთი დასუსტება არის იაპონური მთავრობის მიზანმიმართული წარმატებული პოლიტიკის შედეგი. მათ ბოლო 6 თვის განმავლობაში შეძლეს რეცესიის შეჩერება, წარმოების სტიმულირება და ექსპორტზე ორიენტირებული ეკონომიკის გაჯანსაღება.
კვირა წარმატებით დაიხურა შეერთებულ შტატებში, გამოქვეყნდა დადებითი სტატისტიკა სამუშაო ადგილების და საცალო გაყიდვების ზრდაზე.
საპირისპირო მდგომარეობაა ევროპაში. ცენტრალურ ბანკში ჩატარდა დებატები მომავალ ფულად-საკრედიტო პოლიტიკის შესაძლო შერბილების შესახებ. გამოითქვა ოპტიმიზმი ევროპის მომავალზე და აღებული კურსის ეფექტურობაზე. ამასთან ერთად ზეწოლა საფრანგეთიდან და პრობლემური ქვეყნებიდან მიმდინარე ხისტი კურსის შეცვლისთვის იმდენად დიდია, რომ სოციალური დაძაბულობის ზრდის ფონზე ევროპა იძულებულია გადადგას ამ მიმართულებით გარკვეული ნაბიჯები. მითუმეტეს როდესაც დეკლარირებული ოპტიმიზმის მიუხედავად ციფრები სულ სხვა სურათს გამოხატავენ - გაზრდილი უმუშავრობის ფონზე წარმოება და შიდა მოხმარება სტაბილურად ეცემა, სწორედ პარასკევს დაფიქსირდა დაკვეთების 2%-იანი ვარდნა. ამას ემატება შემაშფოთებელი ცნობები რომიდან. ახლადარჩეულ მემარცხენე პარლამენტში და სენატში სუფევს ერთგვარი ეიფორია, გაპოლიტიკოსებული კლოუნები ცდილობენ შექმნან ქმედითუნარიანი მთავრობა.
საგანგაშოა ის, რომ გამარჯვებულებმა დაგმეს წინა მთავრობის მიერ გაღებული შრომა, აცხადებენ რეფორმების შეჩერებას, ხალხის სახელით აპირებენ ევროს გაუქმებას და სხვა მრავალი პოპულისტური ლოზუნგების ცხოვრებაში გატარებას. მოსახლეობას უბრალოდ დაავიწყდა რა წუმპედან ამოიყვანა წინა მთავრობამ ქვეყანა და როგორ სასწაულად გადაურჩნენ იტალიელები საბერძნეთის სცენარს. ამის გამოძახილია სააგენტო „ფიტჩის” მიერ იტალიის რეიტინგის დაქვეითება „A-„ დან „BBB+“ მდე. ჩვენ მათგან ერთი „B“ გვაშორებს და თუ ესე გაგრძელდება, ცოტა ხანში იტალიის და საქართველოს რეიტინგები გათანაბრდება, შეიძლება ითქვას რომ ამ საკითხში მაინც ევროპას ვუახლოვდებით!

მომზადებულია კომპანია „Admiral Markets“ ანალიტიკური ჯგუფის მიერ
http://www.admiralmarkets.ge/analytics/