დღეს საქართველო ნამიბიას შეერკინება

სპორტი - 16:00, 07 Oct, 2015

3943

დღეს, 7 ოქტომბერს, ექსეტერში, „‘სენდი პარკზე“ მსოფლიო თასის ჯგუფურ ეტაპზე ბორჯღალოსნები ბოლო მატჩს ნამიბიასთან გამართავენ. გამარჯვების შემთხვევაში საქართველო ჯგუფში მესამე ადგილზე გავა და მომდევნო მსოფლიოს თასის საგზურს ავტომატურად მიიღებს.

ბორჯღალოსნები ნამიბიას მეხუთედ შეხვდებიან, ქართველებმა ნამიბიასთან 4 ჯერ გაიმარჯვეს და მხოლოდ ერთხელ წააგეს.

ბორჯღალოსნების მთავარი მწვრთნელის მილტონ ჰეიგის განცხადებით, ნამიბიასთან გამარჯვება უმნიშვნელოვანესია:

„ჯგუფში მესამე ადგილის დაკავება დამატებით 4 წელს მოგვცემს მორიგი მსოფლიო თასისთვის მოსამზადებლად, რაც უკეთესი თაობის გამოწვრთნაში დაგვეხმარება. როდესაც ტურნირის საუკეთესო 12-ეულში ხვდები მსოფლიოსთვის უფრო მეტად შესამჩნევი ხარ, რაც უფრო მეტ შესაძებლობას მოიტანს პირველი ეშელონის გუნდებთან უფრო ხშირად საასპარეზოდ.“- განაცხადა მილტონ ჰეიგმა.

ბორჯღალოსნები ნამიბიას შემდეგი შემადგენლობით დაუპირისპირდებიან:

#‎ხაზი/ბექები:

15.მერაბ კვირიკაშვილი. 14.თამაზ მჭედლიძე 13. დავით კაჭარავა 12.მერაბ შარიქაძე 11. ალექსანდრე თოდუა 10.ლაშა მალაღურაძე 9.ვასილ ლობჟანიძე

#‎შერკინება/ფორვარდები:

1.მიხეილ ნარიაშვილი 2.ჯაბა ბრეგვაძე 3.დავით ზირაქაშვილი 4.გიორგი ნემსაძე 5.კონსტანტინე მიქაუტაძე 6.გიორგი თხილაიშვილი 7.ვიქტორ კოლელიშვილი 8.მამუკა გორგოძე

#‎მარქაფა

23.ბექა წიკლაური 22.გიორგი აფციაური 21.გიორგი ბეგაძე 16. შალვა მამუკაშვილი 17. კარლენ ასიეშვილი 18.ანტონ ფეიქრიშვილი 19.ლევან დათუნაშვილი 20.ლაშა ლომიძე