თსუ-ს 61 სტუდენტი „სამართლებრივი დახმარების მუნიციპალური ცენტრში“ სასწავლო კურსს გაივლის

საზოგადოება - 14:15, 07 Oct, 2015

1367

ქ.თბილისის მერიის ა(ა)იპ „სამართლებრივი დახმარებისა და საზოგადოებრივი ჩართულობის მუნიციპალური ცენტრი“-ს პროექტ იურუდიულ კლინიკაში ი. ჯავახიშვილის სახელმწიფო უნივერსიტეტის, სამართლის სამაგისტრო პროგრამის 61 სტუდენტი სამოქალაქო და ადმინისტრაციული სამართალში პრაქტიკულ კურსს გაივლის.

აღნიშნულ საკითხთან დაკავშირებით, თსუ-ს II კორპუსში, „სამართლებრივი დახმარებისა და საზოგადოებრივი ჩართულობის მუნიციპალური ცენტრი“-ს ხელმძღვანელები ორგანიზაციის ტრენერ-ადვოკატებთან და მერიის განათლების სპორტისა და ახალგაზრდულ საქმეთა საქალაქო სამსახურის განათლების პროგრამების უფროსს ვერიკო ხელისუფალთან ერთად სტუდენტებს შეხვდნენ.

შეხვედრაზე მომხსენებლებმა სტუდენდებს პრაქტიკული კურსის ძირითადი ეტაპები და პროექტის პერსპექტივები გააცნეს. პრაქტიკულ კურსში მონაწილე სტუდენტებს ტრენერ-ადვოკატებთან ერთად მოსახლეობისთვის, უფასო, იურიდიული კონსულტაციის გაწევა შეეძლებათ.

როგორც ა(ა)იპ-ის დირექტორმა მარინა ბერაძემ სტუდენტებთან საუბრისას აღნიშნა, იურიდიული კლინიკა ერთ-ერთი მნიშვნელოვანი პროექტია, რომელიც თსუ-ს სტუდენტებს სამოქალაქო და ადმინისტრაციული სამართლის კუთხით პროფესიის დაუფლებასა და პრაქტიკული ცოდნის გაღრმავებაში დაეხმარება.

„თსუ-სა და ჩვენს ა(ა)იპ-ს შორის მრავალწლიანი თანამშრომლობა აკავშირებს და წელსაც ჩვენი სამსახური სტუდენტებს მომავალ დასაქმებაში დაეხმარება. მე მოხარული ვარ, რომ სწორედ ჩვენს ორგანიზაციაში გაივლიან პრაქტიკულ კურს ი. ჯავახიშვილის სახელმწიფო უნივერსიტეტის საუკეთესო მაგისტრანტი სტუდენტები,“ - განაცხადა მარინა ბერაძემ.

აღნიშნულ პროექტში თსუ-ს უნივერსიტეტი ორგანიზაციის დაარსების დღიდან, 2009 წლიდან არის ჩართული. პროექტი 4თვიან პრაქტიკულ კურსს მოიცავს.

ქ.თბილისის მერიის ა(ა)იპ „სამართლებრივი დახმარებისა და საზოგადოებრივი ჩართულობის მუნიციპალური ცენტრი“-ს პროექტი „იურუდიული კლინიკა“ მოსახლეობას სამოქალაქო-ადმინისტრაციული და სამეწარმეო-საგადასახადო პრობლემური საკითხების გადაჭრაში უსასყიდლოდ ეხმარება.