ლანჩხუთის მუნიციპალიტეტის სოფელ ხაჯალიის საბავშვო ბაღში სასწავლო პროცესი ორი დღით შეწყდა. მიზეზი კი, სურსათის უვნებლობის სამსახურის მიერ აღმოჩენილი გაფუჭებული პროდუქტი იყო, რომელიც ახალ პროდუქტთან ერთად ინახებოდა.

არსებული ინფორმაციით, ბაღში სასწავლო პროცესის შეწყვეტასთან დაკავშირებით, მშობლებმა მხოლოდ ის იცოდნენ, რაც ხაჯალიის ბაღის ხელძღვანელობამ განუცხადა.

„ვირუსია გავრცელებული და ამის გამო ბავშვები ცოტა ხნით ბაღს მოარიდეთო“, - აცხადებენ ბაღში.

ლანჩხუთის ბაღების ცენტრის ხელმძღვანელი, დავით წულაძე აღნიშნულ ინფორმაციას ადასტურებს და ამბობს, რომ მისი ბრძანების საფუძველზე მოხდა ბაღში სასწავლო პროცესის შეჩერება. უფრო მეტიც, მომხდარის გამო, სამსახურიდან გათავისულდნენ ხაჯალიის საბავშო ბაღის მენეჯერი, მზარეული და ექთანი.

„ვირუსის გამო კი არა, ჩემი ბრძანების საფუძველზე შეწყდა მეცადინეობა, რადგან გაფუჭებულ ყველთან ერთად, ახალი ყველიც ინახებოდა. აუტანელი, საშინელი სუნი იდგა. ამიტომ გათავისუფლდა ეს სამი ადამიანი.

ბაღის ხელმღვანელს, ქრისტინა მოისწრაიფიშვილს მანამდეც ჰქონდა ერთი გაფრთხილება მიღებული, უფლებამოსილების გადამატების გამო. ამიტომ მივიღე გადაწყვეტილება, რომ ის სამსახურიდან გამეშვა. კანონით მაქვს ამის უფლება“ - დასძინა წულაძემ.

მისივე განმარტებით, მან ეს გადაწყვეტილება საკოორდინაციო საბჭოსთან ერთად მიიღო.

როგორც ცნობილია, ყოფილმა ხელმძღვანელმა მისი განთავისუფლება ცენტრის ხელმძღვანელობასთან გააპროტესტა.

,,გურიის მოამბე“ ყოფილს ხემძღვანელს, ქრისტინა მოისწრაფიშვილსაც დაუკავშირდა, თუმცა მან სატელეფონო საუბრისაგან თავი შეიკავა და დასძინა, რომ ის ამ თემაზე პირადად, მოგვიანებით გაგვესაუბრება. ბაღების ცენტრის ხელმძღვანელის თქმით, უკვე დაინიშნა ახალი ხელმძღავნელი, სოფელ ხაჯალიის მკვიდრი მაკა ჩიქოვანი და სასწავლო პროცესიც ამჟამად ჩვეულებრივ რეჟიმში მიმდინარეობს.

თეა იოსელიანი, გურია