თბილისის მერის მოადგილის ინფორმაციით, დედაქალაქის გარკვეულ ადგილებში პარკირება შესაძლოა ფასიანი გახდეს.

მისი განმარტებით, სხვადასხვა საკონსულტაციო კომპანიები აღნიშნულ საკითხზე უკვე მუშაობენ და მერია სწორედ მათ კვლევებს ელოდება.

როგორც ლექვინაძე ამბობს, კვლევების მიღების შემდეგ განსაზღვრება, თუ გარკვეულ ადგილებში როგორ და რა სისტემებით იქნება მომგებიანი პარკირების მოწყობა.

„ასევე კვლევების მიღების შემდეგ გადაწყდება, სად შეიძლება იყოს კერძო სექტორის ინტერესი და სად შეიძლება ჩაერთოს ადგილობრივი მინიციპალიტეტი. ამაზეც მიმდინარობს კვლევის პროცესი, რომელსაც გარკვეული დრო სჭირდება და ეს მიმართულება პრიორიტეტად მიგვაჩნია. იმ შემთხვევაში, თუ პროცესში კერძო კომპანია ჩაერთვება, მას გარკვეული ბიზნესინტერესი ექნება. თუმცა, როგორი იქნებ ეს და რომელ უბანში როგორი სქემა იმუშავებს, ამას კვლევის შედეგები გადაწყვეტს. ამ ეტაპზე კონკრეტული საკითხი გადაწყვეტილი არ არის“, - განაცხადა ლექვინაძემ.